心火盛

下雨天,滿肚密圈無心宣之;大熱天,心火旺盛各方出招.

不喜歡"重覆"2字,如同款不色的衣服,無變動的事情,一星期食同樣飯多次等.

工作呢,就是那3樣惱我tasks,搞左2星期,為著埋數做好一點,埋完數report就發現問題.點解?!關我事?知道有錯都唔提出,唔話唔理xyz

新加坡媽打話忍夠S部,我對另一S亦早有微言,係未有時間了結.

怪只怪1手搞壞手勢,2手要拾正難又辛苦.畀多多時間都無用,因為"一只錯,會計拾垃圾"!

如果剩睇埋數,報告同supervise,絕對輕鬆可早過隔離熄燈走人也.

電視主菜+週末甜點

一直對同事三分親劇無特別喜好,是高級一點的送飯節目.
後來外界的反應很好,演員越演越放,那些三四線人物就吸引到我了.
加上重頭台劇籃球火一直未播映,看花樣少年同惡作劇都幾悶.
鍾意睇同劇既愛情線--diana vs 裘俊和昌哥vs doris,但最like睇係marco(任何戲份), hahahaha
佢好夠生鬼,拍埋gary兩隻野好搞笑.
可能因此劇暑假將播畢,每集故事越變誇張,我還接受到.

甜點,可以不帶甜蜜感覺的.
知道近期話題日劇"last friends"嗎?主角有長澤正,上野里樹,瑛太和錦戶亮,講每個人都有情感上的缺憾/創傷.
11集裡看了8集,高潮開始,忍不到下星期要dl返澳門看.
一集一集看下去,其實野田妹才是第一女主角,瑛太角色極討好,最喜愛他倆.但故事開始變普通了,進入不到原先要讓人深思年輕人問題的主旨.很多網評都說虎頭蛇尾,不知我看罷會否有同感.

28jun update: 編劇果然...日本人的情感真是特別.

工作中遇到惱人事,看看劇,投入其中抒發一下,有助減壓.

眾所周知的毛病

肚疴.
從前是不為人知,後來尷尬都沒有就先自爆.
不過,又有誰知道真正原因?
可以是地方冷,穿不夠
可以是食物一冷又一熱
可以是調味過酸過辣刺激
可以是食物不新鮮
可以是未有所出加食太飽
更可以是看見食物感覺不良所致!
若你看見我神色有異,突然離開...向所有等候過我用廁時間的人致歉.

曾經進過醫院檢查過,腸道有點敏感.
曾多次想過自己會得什麼什麼.
我是食得頗多的人,身形還是老樣子跟這毛病有關係.而我的大頭腦也要很多營養呀!
結論是:直腸直肚,是人如其身或身如其人?

中七同學會探B聚會@21jun

第2round去fankam屯門的家.
仔呀仔,你知唔知大肚無肚4姨姨們喺下午3時走了10多分鍾探你同爸爸媽媽?你嘆冷氣就正囉!
知唔知到你家後,見到你英俊的小白臉個個讚呀?唔好成日皺眉咁focus啦!
知唔知你上鏡成熟,真人幾細粒呀?食多D吸收多D,唔該!
今次無風和雨,你又無好扭計,我地今次可以大肆影個夠,哈哈.livia個仔下次見會好健康,有精神同大人玩,放心.

p.s.fankam家都唔差,一家三口夠晒. 同埋queenie也加入了孕婦團.我認識的朋友同事中,不同年紀都係呢個時候生,有趣.

之後,我地去元朗會合phoebe提早食生日飯,意大利餐.可惜餐廳個爐壞左,無焗野食,oh my lambs!
更可惜係臨尾肚痛,食風了,返家要食垃圾野填返.

mr jim的過份

我知很多人都愛看他的1 man show,好好笑,有助減壓.但,我就是不喜歡他,不是他的過份曝光,不是他的食老本一場又一場"苦",是他以抄襲式噱頭的宣傳,開始由不喜歡到討厭.

看見他的萬世城城樣,"疑似"節目,凸首之虎,我只有一句:頂!

我覺得你跟其他無聊8掛者無分別?真係偏離藝術工作者囉!

我知道你的製作公司由虧損到現在不用政府支助很犀害,有名有利時,請自重.

安排

好像每天都工作,回家,看電視,睡覺.週末回港家上網.好像這樣已持續了一段日子.
於是又拎起手提,預約這和那.打起工作以外的電郵.
去荃灣捐血,卻不獲准.如去了北美州,需回港後28日才能捐血,因有什麼病潛伏期.
只這個再安排.

13回歸

前幾天申請放假,諗起好久沒見舊同事朋友,email佢約食晏.佢回話另一同事要辭職了,真巧.
當天收到另一朋友sms我地朋友V, 6月6生左個女.之前都諗佢差唔多日子了.
星期五,又巧是黑色13.一年零2個月前我離開那地,今時又回去探望.
那朝去了澳門兩個地方,半身濕透的上船!
趕得切1點飯聚,跟著還是入了舊公司門.不是我有意趁人不在才回來,但確有相當多人on leave,sick leave & even work at home!
沒有工作上的瓜葛,說話當然輕鬆多,大家還是老樣子,以一個儍佬作每天取笑對象.真是好嗎?不要像我這裡攻擊性的...
3個小時跟不同部門舊同事對話中,發現當年我給他們的印象,發現離開之後因我而生的變.
所有熟悉的舊同事都還在,這公司給不到工作成就,卻有留著人的點點吸引力.例如彈性上班,work at home及今年的"生果金星期五"---每人可取蘋果橙或蕉一隻!

p.s.也恭喜朋友明年結婚.