首次買股票

做過澳門工, 當然留意濠賭股, 當時睇好的東亞已經由$1x升到現在$3x.
觀察了濠賭股大半年, 去年還未決心入貨, 為錯失良機而揼心.
家陣遇著北非反政府浪潮, 環球股市急挫, 終於2月28以低過$10蚊買到銀河~~
小小地入2手, 期望升過$12就離場. 估不到一天已升$1, 渡假村4月就落成, 到時升幅會更多嗎?

看我的眼光, 下圖的最近查詢全是濠賭股類, 今日銀河升%排第一, 阿二為澳博.

情人節, 病假快樂

星期一本來返工, 這個流感太厲害喇, 2日幾都未清, 醫生仲話係中間階段 ><

上星期天天6點零走, 幾輕鬆. 星期四晚做了砵仔糕給他. 可惜, 試味時係甜(我不要太甜), 蒸完成左形就無味 T_T
唯有要人"頂硬上"盡食啦. 最後2件已酸, 掉了. 我會努力!!!

本來訂了星期六晚dinner, 但我星期五晚感冒發件, 延至星期日食lunch. 呢間喺荃灣連開2間既olive cafe唔錯, lunch提早結賬或遲食有discount, 但我們就book 1點半, 無著數...
Lunch set有很多款但無食評推介的三文魚他他同焗蠔 :(, 主打牛肉, 我地同點了$70加$15連餐湯麵飽甜品飲品, 加一服務 -- 忌廉青瓜XX湯, 法包一片, 西冷牛配菜意粉, 雪糕泡芙. 各樣味道都唔錯, 意粉帶牛油蒜蓉味, 牛扒肉唔韌, 泡芙唔太甜, 幾好丫.
送我的禮物, 其實有big man cookie已心足. 我講過喜歡我一隻手能握晒既銀包. 這個purple pattern都不算成熟, 我會習慣用它的. 謝謝你!

新年新食價

年三十放工過澳門, 人不算多, 聽到有人專登黎發新年財喎...
初一先去了他鄉下一趟, 跟著到中山石岐住一晚. 第2次來, 揀了商業區逸蘭精品, 對面就是百貨公司食肆, 房間新, 送小生果籃, 附不錯的自助早餐, 只RMB290/晚~~
到石岐一心想回味上次粥城的美食, 已預料燒蠔檔休息, 估不到去到只一舖營業, 不少人在等空chairs...終於坐下, 點了5樣餸 ---蒜蓉炒西洋菜, 雞絲蜆仔肉粥, 白灼鵝腸伴芽菜, 鼓椒白貝, 鐵板駝峰肉, 樣樣都好味, 埋單RMB90, 初一價每樣貴幾蚊.
當晚政府放煙花, 時間比香港的長, 但香港的壯觀.
翌日在無乜choice只淨高級餐廳營業下, 去了越南餐館, 食物還不錯, 檬粉似木薯幼條代替. 後來逛了百貨場, 在京華酒店西餅買了3個至抵1元中豬仔包同甜圈串便上車返珠海, 車程快到1小時到達, 平日要2小時以上呢!
回澳門, 物價當然趁新年再加價! 討厭!! 加2服務費添!!!
相中左下角的酸辣豆腐花以前14蚊, 而家16蚊仲無咁杰添, 大相既噯思布甸9蚊, 係雞蛋加豆腐做, 自整果醬, 都算貴得合理, 味道幾好~~好過珠海商場既台式紅豆湯豆腐花, 唔滑既 ><
我當然有去娛樂場啦, 喺永利同新濠天地都win dd $20啦, 我叨人地光咋 ^^v

2011年第一Trip: Kyoto-Osaka-Kobe Jan8-15

由我家大清早7時半出發, 乘11時40分機, 因為首兩天喺京都住, 落機, 搭JR再轉京都地鐵加步行, 到旅舍都近8時, 天氣很凍, 要帶手套. 不過, 喺京都住確另有一番感受, 看到更多, 體驗更深~~
相比5年前一個人遊, 今次結伴旅行令我對關西印象更深, 回憶當然特別多啦! ^^
揀1月去旅行原全係為某人想感受"雪", 我新工作過probation take 個break, 無諗到太多收穫 -- 鍾意雪景, 瞓TATAMI, 睇到新成人祭同其他新年祭既市集, 睇到大鐵人真身, 食同香港唔同既日本食物, 飲好杰既豆乳同買到啱心/身/價既衣服~~~
最唔好咪YEN紙水高囉!
我覺得7多天裡面, 心情relax左, 望落面色都好左 ^^

都是貪靚惹的罰

早於6月尾, 我joined美容個燒疣plan, 成$6800架, 可以一年內燒面頸上半身既疣, 效果都幾好. 我左邊面額位係一塊深色既疣, 近年變大左, 加上早前有新聞話阿伯眼皮既疣急速變大惡化係腫瘤, 我驚, 終於join美容院呢個sell左我2年既plan. 那深色疣同其他方既都一一燒走, 有d會留低小小brown印, 經年就會退.
唔燒唔知, 我成身好多疣 @@ 唔係全部燒完會無, 睇身體抵抗力, 所以有d地方都燒左幾次.
我左眼下眼瞼都有, 知道好耐, 又驚會發大. 而家試過美容阿姐手勢幾好就問下咁近眼有無問題, 驚灼傷眼球...上星期佢幫我整眼皮果d要貼膠紙, 一路燒一路驚, 仲有d標淚.
今日過去就諗住燒身上果d同問清楚佢點搞眼瞼先安全燒. 就係諗緊去到搞唔搞眼瞼位而無留意交警捉人!!
畀人罰一罰, 又年尾轉工轉樣, 又就黎去旅行, 死就死啦~~~eeee, 無咁痛喎. 果度係有條結痂, 我會日日搽蜂皇醬快d甩. 不過, 佢應該就住我, d疣係未燒晒, 即係遲d又要搞過 -_-"

被票控亂過馬路T_T

真失魂...對面馬路有幾個警察, 我都照樣在紅燈無車情況過馬路, 就咁...被票控! 遲D收罰款通知...
我會唔會就此以後紅燈必停?o?
事發喺屯門蔡意橋站往卓爾居既馬路. 我果時諗緊野, 係見到對面有交警同"咖啡妹", 都閃過一刻做咩無車D人都企喺度, 但我已經過左.
個咖啡妹叫停我, 問我有無睇燈, 我話無, 叫我攞身份證...當時我仲以為係口頭警告.到佢問我地址, 我就問佢咩事, 佢話寄傳票, 我吓左, 咩呀??!?!?!? 佢就官腔話我亂過馬路要票控, 我咪問唔係有口頭警告咩, 又無路牌指示無亂過馬路, 佢舉例話咩無偷竊警告牌都有人偷, 偷左就係有罪, 我話佢唔應該攞嚴重罪同過馬路混為一談...擾攘一輪, 佢叫個交警黎又係講埋D官腔. 我又話個咖啡妹做野唔合程序, 叫停我無講票控就攞身份證同地址, 到我問先講.
最後我寫左地址, 無畀電話就走. 心諗若果之後返果條路仲見到佢地, 我就要問返個咖啡妹編號同姓名, 投訴執法程序. 不過, 1小時後佢地收左隊.
之後我聽到有途人師奶話有人咩被人罰咪罰, 畀左資料就好走, 理論咁多做乜. 我就唔想佢呢種心態, 罰左畀左錢你係咪會以後一世守規則? D宣傳都唔足夠, 同埋我同佢地理論時都係想問清楚程序, 但D警察們可能做得多, 交行貨. 唉~~
之後買支軟雪糕下度氣.

公司xmas party@Dec17

我上一手做開committee, 咁我就要接手xmas party. 經過3個月開會又開會, 改完又改, 去到當晚都仲要綵排, 仲係亂, 那個Leader我真唔like佢!!!
公司職員分6組爭奪民族表現奬 (日本, 泰國, 荷蘭, 越南, 印尼同北極!o!), committee選了日本, 同事在"桃寶寶"訂了日式浴衣連腰帶髮飾絲巾, $123.5 OK啦. 另要每位帶$100或以上既禮物, 我買了公平貿易既朱古力同green tea. 台上有同事問邊個買既, 我唔出聲, 哈哈.
當晚以為我組穩奪獎助能瓜分$2000啦, 點知印尼果隊抄"宣傳3"既"得X女傭", 仲講口號叫出年加人工. 全場投票時, 印尼取高票, 我組尾2慘敗!!原因是其他組不想做包尾要受大懲罰而集中投印尼. 玩遊戲啫, 都計咁多...
是晚我揀到潤手霜3支, 大抽獎人人有份, 我抽到第10係咩"portable audio system made for ipod/iphone" @@ 要放出去先!
party喺佐敦三軍會搞, 食物都唔差, 有生蠔, 我食左半打~~呵呵

p.s. 今次我係唔投入表現. 我無跟同事束起頭髮, 無戴隱形眼鏡, 無著短袖打底, 無為套浴衣配鞋, 出黎效果自然無同事打扮得咁好, 似著睡衣多d...
原本, 我係買左上圖右相右邊深紫底粉色花圖案既, 但見同事一見衫即攞去著, 出黎比我想像中成熟, 所以都唔介意同佢換紅花圖案.