公司beach day@826

點解話要趁夏天將盡搞D咩既熱既event!?!?!?!
後來聽返係老闆去泰國meeting, 佢地有個靚沙灘活動, 就想照辦煮碗...
嘩, 一早10點幾去到石澳, 曬又熱, D沙好"暖"...
先影大合照, warm-up game, game 1 &2, 出晒汗, 11點幾等bbq, 好肚餓呀~~~
e, D bbq食物又幾ok, 墨魚丸好味, 有青口, 蒜蓉蝦, 豬牛雞羊扒, 仲有原隻香草春雞!生果係橙西瓜. 不過, 比手榴彈重大size既蕃薯完全無味!!! ><
至愛既羊扒好好味, 整左3塊.
12點到4點係free time, 我都唔啱游海水, 唔啱曬太陽, 唔啱打valleyball, 同同事吹水燒燒燒食食食..
好彩阿姐叫人返公司, 我梗跟大隊走. 那位過左probation的"新"同事, 你代表我地team繼續玩落去啦!

3個月後歐遊

第一步---機票, 完成~~

The Oslo Attack

除德國, 對Norway這名字同國家有強烈情感, 記憶影像有維京人, 維京船, 挪威皇室, 北極光, Nordkapp雪地, 整潔社會, 三連座BB車, 輪廓特出的金髮美男美女...
昨天看新聞知道Oslo的慘劇很sad. 那名男子看上去頭惱敏銳, 不似惡魔, 為何做出這種事???

團購: 煮館『終極一品鍋』豪華米皇粥底火鍋套餐

早前喺團購買的2張火鍋coupons, 一心想試不上火既粥底火鍋, 星期五晚終於用得著.
相隔一段時間, 拎coupons入座時都唔記得套餐包什麼. 開頭要5選2肉類(有豬潤), 6選3蔬菜, 到上菜時看見size比想像中細時, 就覺得兩個人唔夠食之餘, 畀團購$98+10%就幾貴.
點知, 之後整兩長碟裝蟹, 魚片同筒蠔就surprise又覺抵返~~蟹就無圖片咁大隻同多膏, 但料算唔錯, 豬潤雖然3-4塊少量, 但夠厚同大片, 煮上黎幾好味. 手打黑魚膠同蝦膠幾彈牙, 粟米好甜, 年糕都得, 隻蠔就唔洗講啦!
原本滾完蟹叫人熄火可以連粥底食, 原來仲會加蝦米乾, 皮蛋, 豬肉碎, 蠔仔加粥再煮做濃粥, 我食左4碗飽到呢...
不過, 唔知係最後先滾雞肉同蟹令粥配蠔仔肉碎濃上加濃味, 還是肉碎蠔仔同蝦米乾放太多, d粥幾咸又重肉味, 味道好複雜呀!!!
餐廳叫煮館, 喺cwb優食橫町, 星期五晚多數人8點半後到, 人人叫粥鍋, 另有特色小食或飯麵餐. 我會再光顧試其他既. 果晚見甜品雪糕幾吸引^^
http://www.chefrepublic.com.hk/location.html
http://www.openrice.com/restaurant/sr2.htm?shopid=15157