轉載:學友光年世界巡迴演唱會－香港站開鑼

朋友買不到飛無得睇呀!!!!!!!!但另一friend話會狂call hotline訂10月27日eason concert,總有一個"神"睇到,哈哈.

(星島日報報道)一連18場的《學友光年世界巡迴演唱會－香港站」前晚開鑼。學友在台上施 展渾身解數，狂扭狂跳。當晚的表演分成多個不同環節，繼快歌勁舞打頭陣後，亦有30分鐘的歌舞劇，繼而再與觀眾一同回顧5年來最難忘的事，包括兩個女兒的 出生和03年多位好友相繼離世的悲傷，並唱出親自撰寫送贈妻女及好友的3首歌《瑤瑤》、《講你知》和《給朋友》。學友又笑稱收錄了該3首歌的唱片 《Life is like a dream》，是他入行23年來最滿意的，更讓他榮登創作歌手寶座，奪得創作金獎。

　　掟咪狂叫High到爆

　　學友獻唱《餓狼傳說》時，情緒特別高漲，兩度掟咪架，又扮狼叫，逗得觀眾一同狂叫，氣氛熱烈。他笑覑叫觀眾不要當他發癲，還打趣指以前看到別人在台上叫囂也以為別人發神經，但其實是有感生活上有很多壓力，大嗌可以宣泄情緒，令人舒服一點，好過打架、打劫和吵架。

　　學友坦言自小在家對覑一屋女人，現在家中妻女連傭工，每天早上醒來也是1個男人面對8個女人，對女人相當了解。不過他於辣身舞環節中，以1敵6位性感 女舞蹈員，學友除了攬下頸、輕掂上身外，一切火辣動作只是點到即止，反而他則自摸上身和輕掃下體，十分激。而獻唱經典金曲環節上，學友唱了孫燕姿的《天黑黑》和楊千嬅的《小城大事》，他坦言沒有綵排過，結果唱錯了少許歌詞，老貓燒鬚的他不禁伸婣笑稱不好意思，希望不要畀人鬧。

　　老婆女兒未捧場

　　前晚的演唱會以一曲《祝福》趕及於11時半閉幕，而完成表演後，學友未有即時離去，於後台與守候的歌迷握手，更被外籍女歌迷輕吻面頰。他透露當晚太太和女兒未到到場，而首場的表演自評有80分。文：林子棠

累病了

真是很累很累,放假後都係靠意志返工.
從來太攰就會感冒,今次冒感入肚,瞓到疴,瞓到好肚痛又冒汗.

相信9月前我都係工作忙碌.首次email睇晒但無暇回覆,只做即時必需野.還有小規模辦公室政治...

不夜天buffet@舊葡京 14aug

又食buffet?被調職的supervisor常提這間野,所以farewell就到呢間.其實算唔算farewell?因為無人提出夾錢請食,無人會合吓照,無乜特別說話,似試食物多d.我一開始都諗住請佢,所以夾唔夾無所謂.
這裡收mop128+15%,有葡京咭有5%discount.食物少過自助山,但就貴精不貴多,質素好d(個參湯幾夠味).

我既異行為又黎.呢兩樽仔jam放喺pantry..um...多謝何生!

1st trip:觀禮@singapore 4D3N

album

今年首次飛,由年頭度到8月,因為係我首次有幾個朋友同行.這4日3夜只用不到$4000,卻買到返公鞋,麻包袋,耳環和肉乾等,認真好!!!

一直都說對這次旅程無乜期望.一是多年前business trip來過一次,工作生涯也接觸不少星馬同事,對此地頗了解.此行除體會星式婚禮,還跟舊同事見了面,算不錯.

跟香港一直競爭著的新加坡,環境規劃比香港好,地方比香港大,人口比香港少,法治更不用說,但歐洲適合我吧!我是崇洋,不是"南洋".

點滴如下:-

• 對不起新娘子alice,頭兩天休息不足,個人比較呆,恭喜說話不多.看到相裡大眼袋,眼開8成和不上粧的我,就知道出事...還要遇著朋友男友的大男人性格,出言頂撞加往後的生厭感是必然.
• 鍾意影細路,今次收穫甚豐.不好意思狂閃小妹妹,佢換了晚裝(無錯)很可愛但不給我照,有點遺憾.另一邊男家的bb都有趣,影相從無表情但肯讓人抱抱.
• 舊同事帶去lau pat sat夜間大排擋,風味是風味,之後再m記.每次見佢都有新料,今次仲多講了他個人.香港人同星馬人真有分別.喺m記對眼半開半合,還收到supervisor 狂call去飲野,身體真係exhausted到不能.
• 後兩天睡覺多了,係時候出動.bugis street,chinatown,little india,east coast&獅子頭魚尾都到過,只欠vivo shopping ctr.如果多留一天,如果天氣再涼點,如果我精神再好點,就可以真係"旅遊".而家,叫"行下"...
• 流料話仲有fireworks,等待時候東影西影,走出馬路,撞入高尚酒店,仲有無聊搞笑影一餐,算係悶中作樂.
• 買到那袋,真係"麻包米袋"造的,到現在陣味依然旺盛!不過,我就喜歡呢d奇特野.
• 3個人在鞋舖買高跟,平底同涼鞋,點解我對妹仔平底最貴?!?!?!因為料用得多點???幸好比香港貨便宜,同事說應是made in馬來西亞/thailand.
• 在"液體規定"下,益力多不能帶上機,要寄倉(會變壞喎!).我大著胆子,將剩餘3支不同味道(提子/橙/蜜瓜)分裝入3個袋,過關後...即場飲掉提子和橙味,總算成功偷運到1支!!yeah~~~~
• 此行終見識 shopaholics購物狂本事,phoebe小姐係得既!早知你真係咁就買埋你食果份.

• 喜愛的相片

個個買到一袋2袋...獨立女生宣言tee是幫同事買的.


現代人不能失去的...internet!



***************************************************************
多謝遠洋美國曾太帶來的小禮物,我好like呀!www.minniejewelry.com

到新加坡前 hv no break

凌晨5點多便要起身,點解仲唔瞓?呢個星期都有幾晚夜瞓,1 係睇video, 1係做家務,仲有係同supervisor吹水吹到夜歸家.

還記得我話公司好有錢大集團旗下嗎?大大大大大大老細係某國首富,身家數十億美元計.不過,佢為人比較小心眼.上週六佢黎左澳門office,我無幸只見佢老婆一眼.之後,聽聞佢唔like呢樣果樣...高層就順佢重新整過間隔!佢黎之前已經勞民傷財咁洗地,清理所有雜物,收起私人野,好鬼煩.因為佢喺香港見有個員工著背心加外套causal左,畀錢人落商場買衫換!所以上週六個個同事著靚靚,我當然係咁啦.

無啦啦拾野,跟住又month-end,supervisor又急請假探親,仲有隔離部門人事...係咪"農七月"咁搞鬼呀?!??!?其實以上所有我都唔覺好腦人,只不過樣樣都有手尾影響我planning.

anyway,我成日同同事講"我就走","唔留得耐"就係要remind自己無對公司咁上心(放工後),咁就無咁多壓力,relax d做事.

係咁既環境撞啱去新加坡, just-in-time既休息,正!不過,背負住8包豬肉乾既使命真夠沉重!哈哈
我自己就想買"雜色益加多".

transformers,終於睇了!

屯門睇戲都排晒隊?上星期就係咁無得睇.今日睇返,一個人唔緊要,仲執到好位呢.
有幾好睇好多人都知唔使講.我比較鍾意初為人父那個將士,他有妻有女仍然抱著大無畏精神,好看過年青人的小思想.


2個半多小時不長不悶,要投訴係尾段打入城市,無端端整個大鏡頭影機械人底下那個"藍色瑪麗蓮".佢好鬼流,乜水黎?嗌乜鬼又無畀壓死喎??!!
anyway呢種片梗係入戲院睇先好feel.但我都係想睇CG+真人既"黃金戰士"OR"六神合體"呀~~~呵呵.

錢能做的,我想做嗎?

朋友話8月有promotion,激光矯視2人同行$19xxx,1人就要$13xxx.好似好"筍",但我仲未有信心.

做facial treatment又有promotion,2次激光去斑只$3xxx,又好似吸引,(以前係$5xxx 一次)必減淡雀斑,皮膚好d...但我唔like幫我果個姐仔,見佢用晒d product又打過激光咪又係白d咋~打完又要用treatment maintains塊面.佢手勢唔係好好,唔受佢sell又態度差d,仲轉左我畀第個handle.第時想做都唔幫趁你呀~

人事變動再續

終於supervisor都開口同shipping doc同事講.因為我之前煞有介事約佢地食甜品buffet.佢地開完會,女同事第一句就話我一早知,點點點.............其後當然好多流言.雖然無"孤男寡女"咁恐怖,但講到件事相反就好那個兒~什麼佢係高層棋子,佢R緊澳門高層同總公司傾數留低...
廿個人既office搞咁多做乜???佢係唔想走...走得咁急姐.

無乜幾多時間,晚晚去唔同地方食,由mop20至mop100,葡菜,泰菜,日本菜同本地去晒.下2星期約埋其他同事去佢想去既地方,食呀玩呀,算係咁啦.

曾經,fc同我講叫我接手,請人幫我.如果我做過半年就話姐,得果兩個月,人際網又無乜,好多野未了解.你肯back up我singapore高層都無信心啦.而且,一定做到天昏地暗,有幾多個assistants都唔夠頂一個accountant.

2個單位的轉變

我鍾意聽band sound因為除左主音把聲,還可以聽到其他樂器mix埋既"底".band sound可以很開心很rock很憂...

近期分別睇到五月天同周杰倫新曲,他們都變了.

五月天的巡迴演唱主題曲"離開地球表面"很disco feel.在夏天聽著身體便不由自主搖擺起來,是很好的嘗試,我很愛聽,尤其是歌詞叫人丟掉大腦,忘掉煩惱,不畏委屈自己!而主音阿信歌聲不算很好,但我就是覺得佢把聲夠"玩野",可頹可柔.
我要找找他們07演唱會dvd呀~



jay首執導演筒的新片正在上映,而電影主題曲也熱播中.我喜愛他那首"開不了口"(徐若瑄填詞).今次看他的mv,都是一貫周式風格.不過看到他拿起結他,身邊還有幾個band友,感覺怪怪但接受到.

人事變動,自己也不好受

我公司的文化就是"變"和"急".在無乜正式程序下請左我已經係一例 ;p
2weeks前知道supervisor可能會調回馬拉,今個星期一個電話就"2 weeks to go",真係離譜.setup新公司之麻,早d on board快d搞定咩!?
supervisor當然唔想咁快走,除左錢,啱啱先租到屋有d"家"味,又申請緊妻女過黎...
佢唔喺度,我做多好多.如果係放假幫你頂無問題,但一時間真空左實唔掂!掂既唔使請我同阿妹幫手啦.我同左朋友fc申訴,但佢都理唔到咁多啦,因為集團又開多2,3間公司,佢都忙死.
其實我唔係要養家,唔做都得.去新加坡後先過probation,可以請辭一鍋撓起晒,yeah!!!你信我會咁做咩??????????????不好受因為聽話公司調人係有得商量,但見佢無得say no之餘其他野都未傾就要人先到,有點無奈又激氣.
睇下事情發展成點啦,呢兩日supervisor都down down地仲撞正month-end closing,能安慰佢幾多呢?
調我都得,不過要去europe喎!(真係有可能架~)