澳門政府派mop6000, 我有....

男朋友請食法國菜~~
上星期六中午, 先去珠海橫琴食蠔. 由於唔識路, 跟個人車左去好入地方叫左3碟菜, D蠔係大隻, 但un左D.
跟住過關返澳門, 坐永x發財車, 落車時宣布話抽中呢班車派獎, 每人有hkd50玩. 我地兩個加埋hkd100, 玩老虎機win幾次開心到v嘩叫, 離枱淨賺 hkd55!!
之後, 去果間法國餐廳都唔差, 幾有情調, 野食幾有水準, 面包, 法國蝸牛, 海鮮cake, 鴨腿, 意大利粉同梳乎厘都above average.
thank you very much ^_^

木糠布甸完成中

個樣都算係咁, 似似地. 因為無唧唧布, 就咁一pat一pat"筆"入杯度, 跟住"done"下均勻一層又放餅碎又一層.

我都知少, 因為超市得細盒既淡cream賣, 呢度200ml加2大匙羹煉奶算係咁.

要雪一晚先實, 我諗都好味既... :)

失敗於打cream

本來想試整cheesecake, 不過好似複雜, 睇到木糠簡單就試...
入廚果然要交學費. 睇電視或online食譜都無話打cream打過籠會點...
我而家知喇, 就如上圖咁!!
我只不過打到企身後再攪多一兩野就即刻咁既衰樣...沖落馬桶都去唔到呀~~~ T_T

木糠布甸
材料
馬利餅9塊
煉奶約70g
鮮忌廉300g
雲呢拿香油數滴
製法
1.將馬利餅壓碎。
2.將鮮忌廉打至七成，再加入煉奶及雲呢拿香油再打至企身。
3.將忌廉放入容器中成薄薄一層，用篩把餅碎篩入，一層一層，最後一層必須是餅碎。
4.雪凍後即可食用。

Go Play in Madame Tussauds Wax Museum on 4 Jul!!

http://www.madametussauds.com/HongKong/NewsAndEvents/Summer_promo/Default.aspx

蠟像館喺網上推優惠, 印張coupon就買一送一喎, 幾抵呀. 天雖然間唔時落雨, 室內睇蠟像咩天都無問題.
我地坐纜車來回, 李超人既像就放喺纜車站度. 黃昏落黎時見到好多遊客排隊, 好彩我地下午去.
喺蠟像館, 由門口奧巴馬總統, michael jackson到場內娛樂, 運動, 政治同藝術明星一齊反左個幾鐘, 仲有個小型鬼屋, 蠟像館算搞得唔錯. 不過, 點樣先能被邀請做蠟像? 點解四大天王得學友無份? 衛蘭真係有資格入館? beyond好D喎! 蔡依林同林志玲都有份既話, 五月天, eason, 張曼玉都要啦~~~

8年的懷念

http://hk.apple.nextmedia.com/template/apple_sub/art_main.php?iss_id=20090630&sec_id=12187369&art_id=12932338
http://hk.apple.nextmedia.com/template/apple_sub/art_main.php?iss_id=20090630&sec_id=12187369&subsec_id=38322&art_id=12932548
http://www.nordkapp.no/

from appledaily副刊--旅遊

(A)
北極圈的太陽，一到夏季 24小時營業，這我在小學教科書上讀過了，直至郵輪漸漸駛近北極圈，才曉得這事千真萬確，並開始不安：日光日白，怎蒲吧、煲劇和食消夜？當夜不再黑，城市魅力驟然退走大半。我們懂得發明各種黑夜的美，你道挪威人就不會利用他們白夜之奇？晚上 6時，在香港的你準備收工之時，身在北緯 71° 10'21"的我，一天的精采才正式開始。

18:00　米芝蓮戰衣出海
晚上 6點，你也許在吉之島買了北海道長腳蟹，預備做今晚豐富晚餐；挪威 Honningsvag這一邊，我因為參加了郵輪活動，這時忙着出發去捉皇帝蟹（ King Crab）。在文明到不得了的挪威，捉蟹活動大致上是坐香蕉船和營火會的變奏：參加者被安排穿上米芝蓮衣，登上高速橡皮艇，象徵式駛到海中央，船員會撈起一大網蟹，給眾人充份時間拍照。然後參加者被帶到一個三角形帳篷，有一位美男船員在大家面前劏蟹，拆蟹，丟到熊熊烈火中烹煮，只放海水不下調味。等幾十分鐘，一位靚仔小弟替各人剪殼上碟，還準備了美酒、咖啡，簡陋的奢華。絕世的美味，有令人靜默的能力，本來聒噪的西班牙人和意大利人，用餐時全部沉默不語，北歐海面的小帳篷，只剩下拆蟹吮食的聲音。

21:30　夜訪沙米族
我以為北角路上沒有生物，其實是有的。我在晚上 9時啟程前往北角，車行到一半，導遊忽然呼籲我們下車，說這裏有挪威原住民沙米人（ Sami）村落，是一個景點。下車，這個村落，一眼望完，左邊，紀念品店；右邊，影相區，一個穿了傳統服飾的沙米老人，拖着一隻馴鹿，馴鹿超可愛，老人靜靜微笑不說話，兩步遠有一個小碗，碗裏有些錢，隨緣樂助。除左右景區以外，方圓十里渺無人煙，也不似有民居存在過，我忽然覺得這個景點的操作很不可思議，甚至開始思疑，他們幕後有一個豪華集團，沙米老人每天坐 Benz上班……噢，時間夠，要上車了，沙米老人和他的馴鹿，沒入了無邊的雪山之中。

22:00　對子夜太陽的偏執
看子夜太陽，聽起來是個偏執的念頭，原則上北極圈每年約在 4至 5月步入永晝，緯度越高，日數越長，即是，太陽全日 keep住維持水平線以上，讓你看得見。除了貪圖子夜時分與朗日共照外，旅人心目中的極致 midnight sun體驗，還包括跑到歐陸最北的 North Cape（下稱北角），拍一張寓意世界最盡頭的照片。即使，專家已一再否定北角是「歐陸最北」的位置（緯度 71° 10'21"，其 9公里外地方，尚有一處 Knivskjelodden緯度 71° 11'08"）、去的路程極其漫長與世隔絕（從 Honningsvag碼頭轉接駁車約要 1小時，沿路是結霜和和沒結霜的山，生物蹤迹接近零）、北角官方紀念品貴到嘔電，但每年前赴北角與子夜太陽相會者，起碼 20萬。

在天涯海角打呵欠
晚上 10時去到北角，子夜太陽半遮面，架了腳架等影相的人，坐在咖啡室聊天，或在集博物館資料館紀念品店於一身的 Nordkapphallen閒逛。也許是知大家千里迢迢來到，不好意思悶親大家，於是弄了個教堂及泰皇博物館，據說泰皇曾在這裏留過腳毛。我在北角待了一炷香的時間，老實說，白天令人想不到夜，所謂子夜太陽的子夜，只有在看手錶的一刻才意識到。更震撼的反而是北角的極地體驗，天蒼蒼路茫茫，縱然遊人如鯽，但仍不禁生出「如果我死咗喺度唔知有冇人知」的孤寂感。世界之盡頭就擺在眼前，任你家財萬貫、聰明絕頂，這兒也不會為任何人動搖半分。你可以在此慨嘆生與死，直至你打出第一個呵欠。噢，原來已是凌晨 12點幾，該上車歸船去。


(B)
在香港雅虎鍵入 Tromso（特羅姆瑟），料不到早有人打探過了：「宜家傢俬 Tromso雙人高架床，仲有無得賣？幾錢？」這個結果勾起我的遐思：若在摩洛哥發現一個鞋櫃名叫 Hong Kong，我該作何感想？我想說的是除了呢張床，它還是挪威一個美麗的小城市……

愛鬥北
Tromso位於北緯 69° 42'，距離北極 2,000公里，是北極探險之旅的重要入口，有如西安之於絲綢之路。面積約有兩個香港大，人口 6萬 5，即十分一個沙田。坐郵輪前往 Tromso，一般停泊 5至 6小時，基本上夠行完。地方小，不減志氣。世上城市，喜鬥高鬥豪鬥大， Tromso最熱衷的競爭活動，是鬥北。市內地標性建築物及商店，莫不以「全球最北」自居，你可找到全球最北的啤酒廠 Mack Brewery，玻璃廠、基督教堂、 Burger King， MUJI……
朋友，假如你活了半世人，還沒有一件值得攞嚟講的事，去 Tromso開一間腸粉檔吧，應該可以做到全球最北，雖然我不曉得挪威人愛不愛吃腸粉。

11:00　冰山潮教堂
世上有許多東西，不是一時三刻北得來，身為維京人後裔，挪威人想出另一種認叻的本事──改名。
Tromso有一座叫建築界為之驚嘆的教堂，建於 1965年，外形摩登，以現世標準來說，還是很潮。教堂造型參考冰礁及沙米族帳篷，正門由一個十字架撐起，簡潔明亮。玻璃牆身透進陽光，引入四時變化，像與天空更為接近。但 Tromso另一厲害之處，是把教堂叫做 Arctic Cathedral（北極天主堂），北極圈這麼大，還要橫跨幾個國家， Arctic這字誰先用誰勝利， Tromso率先註冊做教堂名字，不就等於確立其北極圈代言人大婆地位了麼？

13:00　博物館會海獅
北歐的建築，強調呼應自然，有了一座冰山教堂， Tromso繼續發揮驚人創意，建成一座外形仿冰山倒塌的極地博物館 Polaria。從側面看， Polaria在海邊，雪白方塊的建築如骨牌般倒下，感覺生動。 Polaria入場費$114，大小和太空館差不多，極地生態電影做得不錯，其餘精采項目還包括「極地步行 Polar Walk」（慢速的話 3分鐘行完）、極地水族館、生態展覽等。北極熊是假的，海獅很可愛卻懶惰，不似海洋公園那隻會頂波，而是長期睡覺，得閒才伸吓頭。所以假如你只得 5小時，又沒有很多錢，在 Polaria門口影張相，已經好夠。

15:00　最老戲院下午茶
每年 5月中至 7月底， Tromso太陽不下山，白天拉得很長，日子變得沒那麼緊湊，旅遊書說 Tromso人都是 hard drinker，我思疑是潛意識覺得日子太長，需要借醉打發。導遊告訴我禮拜天肯定沒有舖頭開門，「因為禮拜六人人都飲到好醉！」我咁好彩星期日登岸，到中心點 Main Street走一轉，果然商店大閘全鎖，連 H&M都無開，老半天只有幾丁友行過。
還有兩個小時才上船，我一個人，開始覺得活得不耐煩，好不容易踱到一間 cafe，黃色 Art Nouveau建築，推門進內，牆上放了老唱片封套，擺設隨意但有味道，人客都很有型。這間勤力的 Cafe大名 Verdensteatret，是 Tromso有名的文化重地，可理解為百老匯電影中心一類地方。 Cafe真身是全挪威最古老戲院，現在仍有電影上映，偶爾搞些小音樂會或劇場。負責人熱情地帶我走了一圈，碰上音樂會綵排，劇場內歌聲悠揚，劇場外咖啡正香。逛了半天教堂博物館等遊客區，這下才看到挪威人怎樣過漫漫長日：沒有黑夜催趕時刻，可以跟朋友好好的聊，可以慢慢喝一杯咖啡。我留意到 Tromso的海鷗特別肥壯，只能低飛，想必也是養尊處優致勁長命……

當年放一個月假由丹麥出發到挪威, 瑞典同芬蘭, 為的就係north cape呢個地方.
我還記得途中住酒店(只7小時,因為趕車), 一晚$850; 由小鎮包的士來回north cape又$850, 係我旅行以來最貴既一次.

仲記得呢d點滴:

• 坐內陸機request兩個餐, 由此覺得醃欖幾好味
• 饑餓中買最平既凍肉--羊扒喺青年旅舍烚, 無調味但好好味, 自此愛上羊扒
• 第一次坐郵輪橫渡冰海來回, 仲食自助餐
• 第一次旅途大哭, 因為好想去north cape但同計劃有出入, 感到艱難
• 第一次見雪初下
• 第一次見北極光, 但影唔切相, 要捕時又捕唔到
• 參觀芬蘭姆明博物館
• 第一次旅行回來被人說塊面肥了

7.1之唔準返工

鬧死個煩人愛迪王(所謂香港最大)!!! 呢個人既惡行多不勝數, 我有口德唔唱咋.
上星期五佢睇memo我放sub leave, 佢話香港office無人放呢種, 話同事假日返工唔會claim假.
我apply sub leave for 7.1埋數, 個野同我supervisor C話有咩野前一日搞掂佢, 7.1無返, 一係返黎無得claim. 無得claim我返黎做乜? 我睬佢!!!
咁我email畀bosses H & T, T話無返囉, 按本子辦事, H揾supervisor傾同cc另一boss, C同我講今次無claim, 佢請我食飯., 少事化無.....錯! 呢個係福利問題.
一輪emails, H叫其他teams盡量早d交貨等我早d埋...結果, 咪我6.30做到11點囉, 好耐無咁夜!! d sales未close, 交低一份畀個妹跟, 而家在家check emails睇點情況.
今朝我覆左一個email就畀T話我out of office但又睇emails, 咁我淨睇唔理囉~~~

我喺公司存在就係埋數交report, 無得埋我點control d 數點準備好野做? 明天得半日....
而家返工輕鬆左除交reports時候, 遲d準備hand over又會少d野做. 我係唔會resign等炒攞多d, 你個衰人想點咪點.

p.s. 星期五本來有點驚喜, 因為出左bonus, 係比舊年少好多, 得一個月, hr話我係top performance先有, 無同人講無問其他人...但C跟住話補假問題, 我就謝左.

27/06之運動日

一早起身去天水圍睇transformers 2, ok la, 都係第一集故事好d, 呢集唔知係咪男主角撞車, 戲份少連女主角都出鏡少. 見到autobots斬殺反派比前集兇狠, 真係反感, 上集d仁義心去左邊?
睇完戲直落食lunch, 然後打squash一小時跟bf同家姐打, 我真係好耐無玩~~之後玩bowling又一小時, 我梗係最弱果個啦! 睇見家姐個得戚樣, 我諗佢梗係湊仔多屈左好耐..哈哈
如果游埋水, 我諗我會斷氣...睬 !!!

回家食越南粉, 媽專登買檬粉架.

26/6之4小時任食火鍋

果日由1號到3號風球, 街上依然咁多人, 最好就無大雨.
我補假放半日, 去修理頭髮, 去行陣街, 去睇公仔, 去銀行, 去極都未到約好7點尖果打邊爐.
6點10到場, 好彩遇到另一fd一齊入席, 其他人相繼到場.
呢場係我食肉食得最少既, 交左幾次form先黎得兩次駝鳥肉同羊肉, D菇類菜類花膠仔帶子仔午餐肉腐竹面都黎幾轉.
今餐13人唯喂喂, 聽佢地講台北旅行, 攝影古, 淘寶網, 跟住仲約12月包團去北海道, 我報住名先, 都唔知果度有咩野...
就咁11點先捨得走, 我仲要去碼頭接人, sorry i was late~