你唔係鼓勵我追你呀?

之前話請個同事細路食飯, 星期五未返香港就同佢食飯, 其實都係口快快應左, 兩個人我驚有dead air.
坐佢電單車, 那個半蓋頭盔無作用, 坐得我幾驚.
去氹仔食平日本飯, 睇下雜誌吹水, 跟住去威尼斯行shops, 食甜品無位(今晚係avril lavigne concert), 求其去左英皇賭場食MOP10甜品.
弟弟剛大學畢業, 佢查到我年紀, 有意無意話我. 講開愛情, 佢話咁獨立無人要, 有個伴陪好...唔知up到邊, 我話有朋友因為女方年紀大而唔去發展, 我只不過話愛情唔應該介意太多, 公司個個女仔都大過佢...佢就無端彈句"你唔係鼓勵我追你呀?", 我好平靜地否認, 心諗你諗緊乜.
如果我亂諗就會將佢對我講一d野連埋, 以為佢著意我.
anyway, 起碼我地果晚好多時講公司外既野, 可以交朋友得過. 之前同個新同事妹食飯, 佢不時講公司八卦, 我而家無乜同佢講野, 佢自己choose做中間人(咪即兩頭蛇), 向呢個果個攞料做人情..

i was in australia alone 14-24sep

i m back...right after the typhoon was gone!

在機上9個小時, 扣除食飯睇片, 睡眠時間不到4個鐘. 到港近晚上10時, 等了45mins攞行李, 回港家已是凌晨, 還上了一會兒網, 才睡4個鐘就動身準備回澳返工! 25日星期三, 那天, 我不是我.

計一計, 打從返澳門工都無自己一個人去旅行, 我需要空間, 離開所有野.
原本, 我揀去越南的, 可3百多的visa不太值, 當地又比香港熱又濕, 無親戚有時間...剛巧, 維珍做澳洲票promotion, 在zuji用了6千多點買到平飛, 就去個冷天地方relax囉!

又原本, 我想10月生日果段時間放假的, 但公司阿妹都放, 唯有提早.

又又原本, 此行目的有3, 結果事與願違:

1. 睇人玩bungee dump -- skydive還吸引, 但我沒去沙灘沒機會看
2. 食美味羊扒 -- 日日揾極都唔見有餐廳賣羊扒, 再諗澳洲的羊肉無NZ咁稔, 轉食左袋鼠肉
3. 喺靚沙灘游水 -- 天氣還冷又遇上個韓妹, 改變計劃無去沙灘

澳洲, 一向感覺是悶同乾淨. 上網search n search, 吸引我的還不很多.

時間關係, 只10.5日, 我要relax, 所以揀了sydney, melbourne n canberra 3個城市遊. book greyhound coach先知d交通費勁貴, 美國三藩市去LA 8小時先HKD200, 澳洲sydney to melbourne 12hr要HKD400+, 已經係平價呢添! yha hostel dorm rates都係比歐洲的貴, 以為設施好點就值, 原來不是. 當時澳洲紙已經跌到6.4都咁貴, 唔怪得之前去既會牙牙聲. 我本著未來物價還更貴, 現在還afford到, 所以都無好手緊, breakfast~HKD50, lunch~HKD100 n dinnerHKD100-HKD200. 只是, 當地東南亞食店最多, 問local food是fish n chips(?!), 食得最好係喺canberra.

今次可能係買野最少一次, 去超市見勁多都係香港有賣, 衣飾就算減價都係made in china. 最後, 手信買了數包米餅, 意大利餅乾條(好似平d)同兩支奶!"交功課"有樹熊公仔和羊脂cream, 和自已食既彩色popcorn.

維珍機

第一次搭, 感覺似英航有派牙刷同襪等, 食物唔差, 係個包冷既. 我想講係d空中人員. 真係第一次聽到咁差既廣播. 去程有個廣東話空姐翻譯英文廣播時可以唔同意思又口疾疾, 循例既救生示範只不過對稿讀都時口語時書面語. 返黎就好d, 外藉空中人員又有禮.

sydney

真係似中環+CWB, 點點外國人加一大堆亞洲人週圍都係. 我唔鐘意囉.

第1日大清早到hostel, 無得check-in就喺附近個market city徘徊, 食既都係中餐. 夜晚行左1粒鐘去opera house, 幾無聊.

第2日識到個喺witsundays學英文的韓妹, 食完韓式brunch同佢去很大的tangaroo zoo, 乜動物都有. 因為之前喺街睇左陣olymic games players回家巡遊, 3個幾鐘都未睇晒. 夜晚同佢朋友去左間日本店, 一條加洲卷成HKD100! 果度叫鐵板燒會玩接食物games, 我地都覺得為吸引外國人而咁做有辱廚師.


第3日晚搭夜車去melbourne, 日間行公園做阿毛消磨 (好多人都係咁).



melbourne

比sydney好, cultural n arts, buildings有古舊同創意的, 好多外地留學生, 有免費巴士同tram遊走城中心景點.


d人當sushi卷(不是手卷)係snack, 周街食, 我都入鄉隨俗. d yoghurt好好味, 一盒仔HKD20算抵. 走入肉類街市, d肉排得好吸引, 羊肉唔貴, 但我無諗住煮餸無買.

到處係cafe, 食d tart/pie/sandwichs唔啱食, 隨便入了賭場旁既餐廳食lunch buffet, d外國人好大食咁, 每次成碟滿滿的, 勁肥. 我覺得好普通, 但A$15係抵價.


又識個日本妹, 攞working holiday visa黎打工讀英文, 男友喺北京學緊國語. 有人畀張gallery既invitation佢, 我地一齊去. 場內不到10副畫, 請飲beer, 同atists吹水感覺幾好, 體會到mel人既humors. 問佢乜野係local food, 佢話fish n chips + dim sims (類似炸點心). 同佢講我去canberra, 2個artists即哈哈大笑, 係咁話會悶死, 無夜生活, 乜都無得parliment house, 嚇我呀!


最唔慣d舖頭5,6點收, 夜晚唔去pub真係悶死, 日日差唔多6點返hostel.

canberra

聽聞是花園城市, 好規劃, 的確但住耐左就會覺悶. 剛好當時有花卉展覽(FREE), 場內又有其他節目如農場重物, 小丑表現, 兒童遊樂同學校music performance. 我就是半日去呢度, 半日去shopping mall消磨果3日, 充實.


果2人小丑show真係好好笑, 佢地請觀眾幫手真係會畀錢人, 我見佢地要求打賞A$5或以上好多人都主動畀佢地, 我無嘻嘻..

之前無睇map, 唔知咁大有乜特別, 影完花就算. last day睇一睇, 有綿羊睇!即去! 原來我鍾意綿羊多過袋鼠同樹熊!!好喜愛呀!此行比想像中滿足.

黎到最後一站, 重有大把錢梗係要使, 食食食不同野. 入去餐廳本想食羊扒但見袋鼠肉又試一試, 係紅肉但無乜特別味, 加埋碟煎餅, 果餐真係好full, 一個人又如何.

今次失策係帶冷帽無用, 勁需要既sunglass同太陽帽就無帶.

喺hostel, 個個都話tavel左幾耐幾耐, 我既感覺跟以前唔同, 會覺得佢地對離家越耐越威咁, 無錢就打散工, 但你地去邊都係去pub去飲, 邊度都無分別啦.

日本韓國人黎打工, 佢地同5,6個人share apartment住, 有d share double room(!), 一個人~HKD5000租可住靚apartment, 但一班人合共個單位HKD30k...-_-"

當地食物比香港見的大size得多, eggplant好大好可愛, 但無機會食. 牛油果應係平民食, 乜都有佢份, 令我喜歡左. 曾想買返幾個返黎, 但見全部係好熟既唔啱買.

最後, 我喺arts centre睇過d 用 lomo相機影既相, 色彩好出, 心郁郁想買部玩, 千多元玩物不過份.

係咪講左好多? 呢個relax之行真係意料之外嘛. :D
Australia NSW+Vic 14-24sep08 I

Australia NSW+Vic 14-24sep08 II

Australia NSW+Vic 14-24sep08 III

Australia NSW+Vic 14-24sep08 IV

IMG2AA

13Sep-VS200
24Sep-VS201

聚

回憶完畢, 去美孚探訪minnie新居, 暫時"家具8全", 夠光猛, 不喜歡大堂出面那噴水池, noisy又浪費.
聊聊天, 吃吃餅便到尖沙咀食早"晚餐", 上海菜, 鮮篤湯跟酒讓丸子很不錯.
大家都有各自生活目標, 老樣子又如何? 一個又一個目標可以實行便夠了.
:)
回家坐queenie順風車, 看見joe跟queenie, 我想找到一個會自動說一天所做所見的男人, 那樣才是愛情.

重遊cityu

今天要到石峽尾造証,辦完便順道到離開多年的城大走走.

這所大學名字改得好, 5分鐘就到大商場, 人流永遠多. 星期六也有這麼多人在city, 是part-time study?新學年迎新?我可不管.我看見全校wifi, study sites無處不在, canteen飯依然 $1x, 書店大很多, 那些鐵lockers空置了, 還有好多後生仔女...

時代雖不同了, 我看大學生還是分(懶)型/,老土或沉迷讀書/戀愛兩種.

我邊遊邊會心微笑, 以一個過來人看著一群又一群未來棟樑, 回憶很多...心中就想起這首歌---我什麼都沒有.

大學, 教的不只是知識, 是體驗群體生活, 領略與人溝通技巧.