返中環工的第一天

或者大傷風影響, 或者太多東西要做, 還是我未適應吧, 未有主動結識早已在email聯絡的同事們.
第一份工已跟landmark有關連, 去過那裡的office, 現在我終於踏入其中一大樓返工, 感覺沒什麼, 設施頗舊, 我個lcd幾化呀, 燈光唔光猛呀, pantry得coffee, tea, water無零食呀...不過, 同事們都算friendly, 只係無問我食lunch jet~
究竟我喺度坐幾耐? 同爸爸email話無請人補就走既女, 我都會走, 唔係work to die here.
聽聞佢今年特別派利是, 以前從來無, 阿媽同我夾擊佢畀封我都唔肯, 慳返我呢份都幫唔到你買多罐奶粉啦~~

在台北過年

新年沒回港, 年三十在澳門飛去台北4天3夜午機去早機返, 都是第一次假期出門, package錢當然多一點.

每天都是吃吃吃行行行冷一點, 年三十晚好些商場7時收了, 那饒河夜市是比出名的士林平和不那麼商業. 淡水都變得很旺角了.

最意外是在澳門機場撞到同事, 不知他有否看到我們, 但要面對的人不是我. 我們還是向同事不公開好..

很早起來搭0950機, 外套放入行李, 就這樣傷風了. 返到澳門, 睡一回食完晚飯才返香港, 當然依依不捨.

真的很多人回港, 買了黃票貴50蚊, 到上環又遇電車意外, 頗晚才回到家.

再見澳門區既同事!

我好耐無update, 都因為好多野一湧而上.

本來我要17號交吉澳門屋回歸既, 不過同屋主同公司有點事就順延至24日年廿九!最後星期我仲要ot,星期四夜要有時間拾野, 一個luggage加背包係唔夠, 鬼叫冬天咁多衫...

自從finance部搬埋一齊坐後, 大家傾多左, 開心D. 我本來想約大家食飯farewell但仲忙都無心機搞. 最後我只花百多元買朱古力花花糖畀女仔同事, 其他糖畀男的, 而爸爸就給他一支lemon波板糖, 哈哈!

先是星期一晚跟兩位舊同事飯聚, 可那家印度餐廳食物令人失望. 知道A小姐蜜運中, 而S小妹我懷疑她因工作和家庭事致睡眠不良, 勸解她放工後應暫時忘掉. 最後的星期四, 爸爸請食lunch buffet, 多過一打人唔平呢~~我坐佢對面, 見佢食到...那天佢真係唔係我地既榜樣...跟著趁大家未開始做野我就同finance一齊影相, 而我係第一次見爸爸陪我地癲, 拿住我的糖...

我地又屈到澳門呀頭星期五食中餐, 當送走3個外勞又好, 過新年又好, 一班笑笑下影個唔齊人既大合照吧! 由於一直忙同諗住之後都會返黎, 無乜同午餐伴侶影相, 好彩"果個人"識做, 我地又無聊影埋D偷襲相, 當然都有正經既.

夜晚就同finance女加所謂admin女食泰國菜, 都幾好味, 最衰個的士司機呃我6蚊! 果晚我同爸爸講星加坡果邊一個月走一個, 佢就爆左做AP既女2月走, 唉...

我星期六交屋前仲返公司拾好D野, 係咪好搏?

再見啦~~

疲勞過度會出事

由12月29日到1月9日, 中間淨係放左1日新年假, 1月2返到10點半, 1月3就8點, 連1月4星期日都做左5個鐘頭工! 年尾仲未埋完既同時又要應付搬位, pack文件入倉同轉香港做既問題...
我身心上都真係好攰, 對bf發脾氣, 對同事發脾氣, 對自己身體放肆食垃圾野...
現在心情依然低落.
我唔係要做偉人, 但要我呢個時候唔顧其他人唔做澳門份工我做唔到.

今天去了按摩, 之後想行下買野但人實在多, 無論服飾鞋類超市至街邊買涼果既小檔都堆滿人. 我怕怕.

究竟我還有心情約同事farewell? 影大合照?
新年前是真正回流香港嗎? 新年能去到旅行嗎?