唉, 又有疫情

當年, 大家記憶尤在. 現在, 爆發國家變成墨西哥, 希望他們都一樣能撐下去.

該死唔使病, 我依然不怕, 但憂心身邊人.

這個時候, 我們更要放開懷抱, 想做就做, 不要諸多藉口.

係你你會忍?旁人又點諗?

今晚8點多等車回家, 上車企在出口附近, 就到深井附近開始塞車. 我無聊睇rdshow播了一次又一次時已聽有把聲講野, 後來阿伯喺我身邊經過. 佢越過人群去到司機位, 後來又返到出口位, 原本企出口既人都讓畀佢.
都估到咩事. 巴士咁大冷風, 阿伯同家人都坐左成粒鐘有多, 佢想去小便但司機唔開門(喺公路好危險架!!!). 最後, 佢拎個膠袋黎救佢...車上,包括我都無人出聲, 呢D係生理需要. 我一般都係出門去定先, 搭長途車前都去定.
萬一我車上急, 我會死忍囉, 試過旅行唔驚唔見架車或無正式方便地方, D人落車去洗手間我都唔落, 忍左12小時...果時真係求神拜佛忍得住乜都得咁.

我的補假與加時工作

本來的四天工作沒有了, 在澳門得到的補假給用了在阿嬸的事. 剩下0.5天會在下月用掉, 跟他去泰國(他要6月前清去年年假呀~)
星加坡office於4月6開始五天工作至6時半, 香港跟澳門區兩星期後都實行了, 還好沒有其他加減長短. 最後一天6時放工, 我當然要entitile啦, 1808離開到朋友家聚聚. 至於去年bonus和今年加人工問題, 大家都心裡有數...唉~~~~~~
這星期工作了2天, 我都是7點左右離開, 一個月有1星期這樣已經ok了, 還可以E貓聊天直落呢~~

p.s. 今天, 我又被澳門同事話, "全世界都要擦佢鞋", 話中既"佢"就係我. 線人話那個人週圍問人D野想"達"返我差佢既E貓. 最後, 佢都無覆到...唔該專心做好本份啦!

清遠清新縣3天遊

10-12/04返左內地, 呢個地方我無去過.

之前上網book果間酒店遠離市區, 改變初衷住一間日式格調rmb150/day, 榻榻米床, 幾得意, 不要想它"商務"用途了.

這個清新縣幾有意思, 那裡的人真的友善, 摩托車司機也只是向你招手要乘車否; 一間小店賣果汁炸魷魚, 我說唔該佢會回句"唔使客氣"; 自動添茶水...廣州相比起真的很商業.

我們去了2個景點---縣城外的薰衣草世界和縣內可步行去的玄真古洞.

薰衣草加其他花很有色彩, 遊完草地有免費花茶和曲奇吃, 正價票rmb50, 淡季(?)7折. 我們到時值中午, 我晒到累, 回舊城食不錯的拉布腸粉+粥.

玄真古洞內有古冰川遺址(走時才發現), 那裡有游泳池, 野戰地, 民俗舞表演, 釣魚, bbq, 探險和漂流. 我們只選擇探險rmb30, 所謂探險是行走一些崎嶇繩索和木板橋等, 全是平坦大路. 我被起點的木橋嚇至腳震和被學生取笑呢~~~

此行比較驚喜是找到一個"大笪地"地方, 在公園附近, 那裡有兒時汽槍射汽球,豆袋擲公仔, 碰碰車, 旋轉木馬, 廟街唱歌, 麻雀區, 滾軸溜冰等, 對出有一條燒烤路, 賣的串燒只售RMB1-4(抵!), 我還吃了bbq生蠔, rmb20/半打, rmb38/一打. 玩碰碰車1次rmb5, 撞得好開心! 還有, 我食了駝峰肉, 很彈牙, 聽說澳門筷子基有小店賣, 香港不知那裡呢?

我在那裡看不到香港團, 想必一般都跟團直接去渡假村, 我在網上也只搜索到一個blog提及清新縣一點點...

唔高興係我唔小心delete左d得意相, 唉~~~~~~~~~~~~~~

心情高低流情表

3月21 - 參加舊同事朋友婚禮, 遲大到觀唔到註冊儀式. 晚上欣賞到莊諧並重的宴會. 我好like一對新人互讀對方寫下的感人致詞和新人好友拍下不同的祝福video, 當中她家人的確實全片好笑之冠.

3月22 - 跟他到了柏麗灣馬灣公園和沙灘, 挪亞方舟外表幾宏偉, 但還未得入內參觀.

3月23 - 在家看過期acca magazine之際, 一個電話, 30mins由屯門飛的去將軍澳, 可惜阿嬸早已返魂無術..也許, 這是一個解決, 但也太突然了. 堂妹一句以後淨返佢一個人點算, 我真係唔知點好, 唯有說有我地, 但心知幾親也不及父母, 而且我地還住這麼遠.

3月24 - i m on urgent leave this morning. 下午回公司都是靜靜地忙著.

4月7 - 我又一次去認領body, 今次堅強又鎮定了. 跟著是去殯儀館...我能做的就是摺金元.

4月8 - 大殮, 火化加解穢飯就告一段落. 堂妹, 你要振作呀! 揾返人生目標吧!!