葡韻嘉年華一遊on25oct

我跟他的第二個生日

斜揹袋, 想買個很久

葡國菜, 傳統的石頭湯, 比俄羅斯雜菜湯更多"渣"smoked三文魚+羊扒, 想當然菜式

魔鬼魚蝦湯飯, 蕃茄湯底, 好飽

雙眼最像史力奇, 內裡是朱古力蛋糕+布甸+雜菓

沒錯, 是第二個我的生日. 去年, 我零晨時份告知他正日日期, 他是第一個sms我 ^^
今年, 雖然正日未能一起慶祝, 這個預祝也不錯.
有禮物, 有情調晚餐, 有我喜愛的史力奇生日蛋糕, 這樣一個正式生日活動, 是第一次. 多謝您, Mr J ^_^

曾經我想過你會在生日當天來接我, 送我驚喜. 但其實我跟你都一樣, 覺得生日禮物, 節日禮物, 活動安排等都讓人很頭痛, 很配服別人能花這麼多心思.
明天是我生日, 你要考駕車試, 我不會祝你什麼, 有信心, 表現穏定就好了~~~

p.s. 其實我們還未為對方在正日慶祝, 不要說以後不搞生日呀 >< 煩惱又如何???

後記: 28日下午, 有人補考車pass, 我笑逐顏開之餘, 個人坐船過黎接我放工, 就算乜都無準備, 一身街坊裝現身中環, 食大排檔, 我都滿意呀!!!

my b-day gathering with friends (advance)

今年又係生日前跟呢班好友連個B食日本菜.
無可否應, 星期五晚放工是比較累人的, 我對眼都開唔大, 一黎到掛住叫菜. oh sorry, 忘記跟大家打招呼!!!大家好呀!
雖然傾計不多, 大家生活無乜變即是穏定囉!

我相信, 未來既生日會都會有baby細路既參與...叫我auntie可以了~~

p.s. 比比, 我得呢張你跟bernice一齊笑既相咋.

第二年在澳門飲喜酒@18Oct09

又係finance同事,佢同上年果個同一年同一日入黎, 仲係我畀form佢地填, 咁就相繼成婚喇.
今次喺教會進行結婚儀式, 過程都順利, 不過無乜同事去觀禮. 估唔到下午既儀式都會播佢地童年成年旅行相, 詠詩班唱得幾掂, D流行曲教會歌幾動聽.唔知我係攰, 悶, 畀太陽曬過定咩事, 下晝我係無乜表情同無興緻去影相.
5點幾去到酒樓, 有史以黎最早. 無野做又唔打牌幾悶. 之後同做姊妹既阿妹影相, 佢化左妝,set頭個look唔同晒, 我幫個男同事同佢地影完又話唔OK要再影, 靚女係多人纏住, 哈哈.
10點半要坐船, 最遲10點2要走, 喺我以為無乜節目會早開餐既時候,偏偏個新郎比平時多野講又有搞作. 佢整左卡通講大家相識, 追求過程同感謝神~~~卡通畫功普通無乜心機睇.全晚只想快D上餸呀~~~
好彩, 上左5味餸我飲埋翅就鬆人, 返到家都12點半,即刻瞓覺!星期一要返工呢~~

p.s.化妝真係偉大既發明~~~

好一個女西醫!!!

真氣頂!真氣頂!真氣頂!真氣頂!真氣頂!真氣頂!真氣頂!真氣頂!真氣頂!

有D野搵女西醫檢查係好D, 有安全感又唔會尷尬. 我上網搵屯門, 最近就我家商場果個, 但上網見D人話佢唔好, 佢既証書喺緬甸攞, 好似流流地.
以前有睇一個已經無做, 又唔識其他好既. 一早預約左專科明天睇,最終今晚放工返屯門搵呢位女西醫.

入去見佢同佢講我既感覺, 佢聽到就雙眼突一突, 跟住同我check, 然後話無乜事發炎啫, 開D消炎藥食得. 吓?!我果度無表面異樣喎, 點發炎呀?!?!
跟住佢話你想安心D咪照X光, 再唔係超聲.喺佢同我寫紙安排去佢有份既化驗所時, 我已經話想先要轉介信睇專科, 又講無紙我做呢D X光無得claim, 佢仲要話黎左佢度睇報告,真係有事先睇專科, 到時先會寫紙, 日期就計今日. 我心諗佢擺明想賺多D錢先hold住等你黎覆診先寫信, 同埋我知超聲同化驗最準確, 但佢一開始講X光.
我同佢講咁樣唔啱程序, 叫佢畀封信我見專科, 買個安心. 點知佢話覺得我無需要睇, 佢有醫德無理由病人要乜就畀, 我即時好"興", 大聲咁講以前睇門診唔係咁, 係去專科之後先做report呢D. 佢話佢都係醫生, 識醫人, 識睇report, 真係唔可以寫信畀我! 咁我就黑晒面, 佢連所謂消炎藥都唔開, 將我張病歷咭打左交叉, 預我唔會再黎. 好呀, 我就走, 同個姑娘細聲講: 我諗我唔係畀錢, 就走.
神經架, 你乜都識咁要專科黎做乜??!?!?!?!?!!?

真氣頂!真氣頂!真氣頂!真氣頂!真氣頂!真氣頂!真氣頂!真氣頂!真氣頂!

而家頭痕邊度有普通既女西醫... -_-"

請不要買這些uniqlo衫褲

遇著今天最後一日限定貨有特價, 跟大堆客排隊買下4件.
請不要跟我們撞衫. ^_^

運桔既KL business trip

簡單地, 本來傾好28/9果一星期留吉隆坡教新人所有我做既野同一齊做埋數既野, 點知....我係第一次要睇新人面色.
同佢講完, 佢可以哦一聲之後消失, 叫佢重頭再做vlookup, 佢哦左又繼續佢既checking, 最後係搞掂file, 但基本野亂左, 埋完數咪我拾囉.
我開頭見佢以為呢個level唔使捉住隻手做, 點知講完都無入腦.
最恐怖係有一晚叫佢做個好簡單既file, 10分鐘都掂, 點知佢哦完唔知去邊, 我同同事等佢返黎搞掂就走, 一等就成個鐘都唔見人, 打又唔通, 咁留memo同sms就走, 9點後喇已經... @@
因為某D issue, 埋數遲左, 一星期係教唔晒,我又留多幾日, 星期四走都仲有野未clear, 留返電話傾啦. 點知當晚回家check email知道個新人畀左信!!! 嘩, 我黎教你, 你唔想做唔同我講??? 等我走先交信??? 唉, 嘥心機 Y_Y
去咁耐, 每天離開公司既都圍繞7至10點, 其實真係攰又眼矇, 星期六要返之餘得星期日有得抖.
忙裡偷閒去雙子塔睇下, 出面有個大公園行下, 之後返酒店隔離既megamall行勻晒, GAP喺度幾貴, 普通半截裙都hkd5xx, last一晚先去買睇中既金色涼鞋, hkd80都唔使~~ ^^