"一家人"去星際食buffet (MOP238+10%)

每位奉送"蟲草螺頭湯", 幾有味, 橙色一條條un un地, 唔會係蟲草掛?!!??!

今期推廣係"即開生蠔", 只有一款愛爾蘭生蠔, 味偏咸, 有海水味, 不過真係比平時擺出黎果d生鮮同正d~

特色甜品--糖圈, 一樣係pancake, 不過整左容.

係跟他的家人去食. 我平日都好少講野, 無乜出聲, 始終有隔膜既, 慢慢適應..

等著瞧的機會

晚上7時, SG AT問我有無興趣返澳門做事, 管新公司, 一切計劃中, 大概年中成事.
好, 我會記住你想起我, 想起我可以做開荒牛, 我都會想如果成事要如何要求更好待遇~~~呵呵

洩氣

這兩個星期都做consol audit, 星期五要完成畀auditor出report.
我公司無乜特別, 做左3年, 最惱人係stock. 因為貨種和數量都很多, 有stocktake都唔準, 加上一直海外office都唔聽話唔著緊貨存, 而warehouse management我都唔信得過, 全因control issues.
其實我只係小小蕃茄, 呢D應該由accountant或更高級既人去處理, 但幾年都落喺我身上.
今年我係放慢手腳, 因為我既工作被調離, 喺呢段唔知幾時完既transition, 我理咁多野做乜?
我唔高興係我個function head. 好, 我就當佢好多野要理, 所以忽略左我. 但, 唔止我覺得佢講一套做一套咁飄忽, 連答人電郵都答下就無跟. 你係boss你應該畀指示我, 而唔係問我點做.
今日你臨放工打黎講一輪野, 我睇你個file明你個calculation basis, 你係要喺2009做adjustment咪做囉, 掟個email黎cc其他人. 對你, 我想你乜都email唔好口講呀. 係咁.

this is the last episode of ER

今晚終於看了最後一集, 劇情依然講ER每天收症跟醫生護士生活. 今集Dr Carter用晒佢家族D錢起了一間綜合中心, 設施很齊備, 但錢只夠一年運作, 日後要依靠籌款, 現實那有理想.
還記得當年ER跟X-files在明珠台熱播時, 我會錄影起來, 回帶翻看來學英文, 那時好羨慕美國人.
由第一輯覺得很好看, 到之後開始人面全非而新演員又表現不到"星味"去吸引收看, 已是十年後的事.
我不是喜歡Dr Ross (Geroge Clooney), 我愛看Dr Mark Greene, John Carter, Nurse Carol Hathaway, Dr Peter Benton, Dr Elizabeth Corday....那些愛情線比手術還複雜!
戲內的ER就如放細了的人生, 要幾複雜有幾複雜. John Carter, 真是由細睇佢大, 第一次看他是他為討好女導師而做出荒唐事, 後來他越見喜愛醫生工作並很有熱誠, 最後成為ER in charge.
Dr Greene的人生也很精彩, 他不幸患上腦cancer, 第二任英國醫生妻子(Dr Elizabeth)對他的關懷愛護至最後一刻, 最後一輯, 他的大女選擇在他的ER做實習, 精神承繼的意味.

再見~~~

p.s. 可能看慣了打針開刀血腥場面, 所以日後捐血我都不需用止痛藥, 直接讓針剌內血管取血, 那種感覺...哈哈哈! :P

N年後買boots

boots的意思指能包到腳眼以上地方的鞋.
大學畢業後買過一對, 那對是猄皮黑色(這麼巧?), 後來保存不好, 皮爛了, 之後一直穿波鞋多, 還有娃娃類的矮踭返工鞋, 發展到現在出門買當地鞋. 不過, 我還不是擁有很多雙鞋子~~
這一對是在屯門市中心一時裝店買的. 本來有另一種紅啡色很好, 可惜無我的size, 試過這雙也不錯, 不太少女, 帶點中性. 最重要是, 鞋底是"生膠底"!!! 我好鍾意這種質地呀~~
價錢方面, 原價$430, 折上折, $300左右, 比我想像中平.

Big Four演唱會

梁漢文, 許志安, 蘇永康, 張偉健四合一演唱會今天公開發售4場演唱會門票.
原來他們的吸引力也不少; 電話訂購, 沒有; 網上訂購, 公司上不到. 好, 我食飯去一趟大會堂.
結果, "四日表演, 不同價錢, 全部只有單丁座位" =.=
不過, 我發覺公開發售的位置及數量都不多時, 就知道"必爆"是造出來的.
其實4位中, 我至欣賞是梁漢文, 希他再開個人演唱會, 但跟著金牌打風...

心情updates

忙? 又不是, 晚上多是online同人聊天; 週末一是在港二人行一是在澳門睇"鋼" (我依然好喜歡看電視動畫 ^^v)
聖誕前的越南之旅, 我們是有大概計劃, 到埗後決定跟原來的差不多, 去過電單車多到不得了的胡志明 (HoChiMing) 市區, 比芭堤雅更好的美奈 (MuiNe) 沿海區, 看見真正漁村和像沙漠的山丘; 還有接近香港澳門冷天氣的大叻 (DaLat), 有人工做的情人谷, 可以一嚐踏小船滋味.
這是我們第三次一起旅行, 越去越平宜, 今趟只花了HKD3,000連機票住宿還食龍蝦!!!
由於大家對對方了解都已加深. 我才發現我有小姐脾氣, 因為我是"急性子"...對不起 orz 下次還是不要去酷熱地方吧! ^^
都知道我們是拍拖不很長, 才第二年, 所以彼此還很願意甩下其他人而獨處. 就是1月2大家要工作, 1月3不見面就很掛念. 聖誕除夕都在港一起倒數, IFC的煙花表演很好看啊! 風雲2不及第一集, 像慢拍子墨劇; 而神探福爾摩斯証明沒有麥當娜的佳烈治壯態回勇, 回覆他的英倫風格.

今年我會怎樣呢? 我要為自己定下些目標, 沒目標人就變得懶散. 例如, 剪掉一頭長髮, 留個"楊千嬅"髮型??? 又或重新游水, 或在鄰近的運動場跑夜步強身. 還有還有...