升職食buffet~~

bf正式升職做supervisor, 母親節過後昨晚去永利咖啡苑食buffet慶祝. buffet價mop228+10%跟星際品味坊差唔多, 但永利咭無discount.
呢度野食唔多, 中西式都有(無生蠔, 有長腳蟹, 大蜆), 質素唔錯, 95%食物都試晒:P 飽到呆. book枱分到sofa, 兩個人坐幾舒服, 又可以玩影相.
我覺得食材比出面有點不同, 三款魚生之一係牡丹甜蝦, 青口有細size做意大利麵果種, 沙律bar有牛油果, 羊奶cheese, 幾醒胃既朝鮮魝, 杏脯肉, 海蜇燻蹄, 皮蛋豆腐, 一口海南雞, 桂花糕.
要一提係d麵飽真係好好食, 我食左2款--兩邊尖既橄欖香草飽同葡式肉腸飽, "帶走"2款法飽~~個漢堡飽形既夾心草莓泡芙都掂, 但我鍾意桂花糕多d~~
其實我淨食前菜海鮮冷盤加麵飽湯已經8成full, 之後熟食都係淺嚐, d鱸魚塊, 東星斑同龍脷肉都唔錯, 羊扒無全熟ok咋. 再之後食埋生果甜品雪糕已full到丫...白朱古力同朱古力噴泉就放棄啦...
全程耗時3小時 ^^

看五一張學友1/2世紀演唱會^^

早早趁加場時便去買飛, 好位都無乜, 有D日子爆淨單丁位...$200/位果隻
終於到五一, 喺尖沙咀遊左3個鐘行天橋去紅館, 人真不少, 賣小食都很多, 究竟係通脹要加價定商人要賺多D?
準時8點3開show, 學友唱左唔少歌同跳舞之後先開金口. 佢入行27年, 今年半百年紀, 還跳得不錯, 除一連跳3首快歌之後有少少喘氣外, 其他時間佢把聲同CD一樣咁正!!! eason唱歌都聽到抖氣聲架, 學友係歌神梗無啦~~~
佢選唱好多首歌我都中我心水, 如李香蘭, 如果愛, 當愛變成習慣, 我應該, 真的愛傷了, 愛是永恆, 你的名字我的姓氏, 還是覺得你最好, 餓狼傳說等等.
可能要配合演唱會音樂電影, 選歌主要關於愛情同幸福, 清新/unplugged既歌無唱, 我想聽樓下來的聲音, 有病呻吟, 偷閒加油站, 真情流露, 想和你去吹吹風...
尾段佢話會再搞舞台劇, 要媲美荷里活喎! 而encore佢唱jazz版祝福就知佢而家鍾意jazz.
另外, 佢喺舞台整架直升機由左飛去右果幕好型, 攞一字馬pose就勁, 煙火效果好配合, 嘩嘩聲~~
我當然欣賞今次演唱會同佢為人啦, 我叫jacky呀!上一次睇學友係單人匹馬睇雪狼湖, 都好好睇.

其實我好少重覆睇同一人既演唱會, 要有特別先睇, 上次雪狼湖係舞台劇, 今次純演唱表演. 以前睇過梁漢文, eason, hocc, 梁靜茹各一次, 五月天2次, 唔同人陪嘛~~