alice's wedding reg ceremony & cocktail@625

星期六參加alice既結婚典禮. 遲出門, 穿有踭鞋追不到巴士, 塞車, 不熟識婚禮場地, 結果遲到收場, 還好儀式像演唱會的比預定時間遲15分鐘, 在門外看著她跟他的背影走進會場才入內. 真對不起...
由知道你如何跟他結識拍拖, 維繫港台感情到閃婚, 我覺得驚訝, really...
我們活在當下, 覺得對便去做吧!
那天短短時間, 影相, cocktail, 我不習慣儀式後食東西聊天, 主要是我不認識你其他朋友, 幸好bf陪著我 :) 我也發現你先生頗細心, haha
祝 落地生根, 早生貴子 ^_^

11-18/6 高雄恆春墾丁台南遊

去了一星期台灣南部, 慶祝bf bday. 感覺像在日本, 少高樓大廈, 地大路闊, 空氣清天很藍, 也很熱~~~
人們都說高雄沒什麼好看, 又鄉村, 但我覺得跟墾丁同樣可以待4-5天. 墾丁是陽光海灘國家公園, 進墾丁前的恆春鎮都值一遊, 食物比墾丁多選擇和便宜, 環境無咁商業同吵鬧. 高雄很有日本色彩, 人們都很親切健談(即係長氣), 反而聽到一些香港人說話覺得很麻煩. 即日來回到台南一看所謂古堡, 景物不宏偉, 但特色豆花, 醃製涼菓幾好味, 可惜我肚子少, 又買得少. (青)檸檬汁底既豆花好清新透心涼~~~
喺塑毒陰影下, 高雄同墾丁還有好多港人, 商店都貼告示強調無起雲劑, 希望真係憑良心啦!

IPT勝出!

由去年開始計劃換電話, 一直留意有wifi功能既款式, 最後鎖定sony X8同htc wildfire, 希望個價再跌到理想水平. 到今年, wildfire s, x8 upgrade都推出, 仍然揀唔落手. 其實部電話仲用得, 換機只係想有慳idd費, 用抵d既網絡電話, 同埋方便旅行啫. 於是, 試ipod touch, 其他牌子, check 用家comments, 格價, 都係揀ipt, 大畫面, wifi流暢, 輕便, 可播歌, 玩games, 上網, 打電話, 影相quality差些少...始終有品質保證!
p.s. 鍾意賽車game. 之前玩藍精靈要定時定侯種野, 起屋之類, 真係有d迷, 而家清醒返~~
仲有, 用skype打電話原來有收connection fee, 仲貴過idd.

媽媽回來了

3月尾, 我姐生了第二胎, 媽就過家姐家幫手兼做陪月. 家姐有薪產假加大假放到3個月, 過左一個月媽就去美國探親, "放監"了...
我就嘗試"職業半煮婦"生涯, 煮爸爸或家姐買落既餸, 或食爸爸買既燒味/整既餸. 其實我都唔可以批評什麼, 自己無時間買餸, 無時間醃餸, 唔啱味咪求其食, 填飽肚就算.
不過, 真係配服全職業煮婦, 放工個人都攰仲要趕回家煲飯煮2-3款餸出黎, 再洗碗. 我返黎煮餸, 食完洗碗, 沖涼再洗衫晾衫, 時間好快過, 11點幾用陣電腦就休息瞓, 有時拖地就攰d. 要我日日咁樣做真係唔掂.
而家媽咪返左黎一個星期, 都算back to normal, 唔使喺公司作戰完回家又要做所有家務..