同事黎啫

上星期五公司公佈業績大會, 會後各mgr向下屬派bonus信. 我當天放假. 而這星期一, mgr又SL. 終於昨天收信同日過數, 比第一年理想, 寄望4月加人工%.
今天, 有同事resign, 佢同我都係ap, 但我係最尾果個由佢skype通知. 之前聽到佢入mgr房音量頗大, 當時都估到.
平時好似好fd, 有事就見真章...
總之, 同事黎啫, 朋友就唔會做.

22022012Annual Dinner中奬!

去年, 我得到$1000 cash, 但是經理們夾份的, 不算中奬.
今年, 我得到$3000 cash, 是第5奬!!! 龍年我是有運行的~~
本以為頒$800, 上到台給我個遊戲機盒, 後來又換給我一個信封, 信封寫上$3000 cash, 即時好驚喜! $800是給第1位抽中的同事. 而我另2位同事, 1個中公司大奬"3叔"最新古生promo智能電話, 1個標尾中經理們夾的$3000. 天啊! 我部門還有位同事與奬無緣...

BPO...

Business Process Outsourcing
這件事終於來臨. 上星期三, 部門跟新加坡conference call, 各人靜靜地聽著, 知道事件去到邊個steps. 會後, 同事們(早有心理準備)問了一些問題, 而mgr就同老闆商量package. 我一直不發一言. 雖然同事們都估我會留低, 我卻沒話好說, 無論呢件事有無發生, 我已有打算.
其實outsourcing係大趨勢, 唔明公司而家先搞, 比我舊公司慢幾年. 係我工種倒退嗎?

2012第一餐澳門自助餐--festiva群芳

這間是去年開張的銀河渡假城內的自助餐餐廳. 開張後吸引很多人, 後來發生一兩宗食物中毒事件, 我就無興趣去試. 今年想食buffet, 搜尋下發現所有澳門餐都升價, 以前altira bunch buffet mop358, 今時今日是mop458!; 星際品味坊由mop250內升至近mop300. mgm都要mop400...這間dinner buffet週末分2場, mop338, 又有生蠔, 算中上價了.
餐後感: 可惡!!!好多款式/菜式都未品嚐(因為花時間排隊取生蠔4回), 10多種甜品只食了一款就無時間! 因為最惡毒事情在2.5小時入面的最後30分鐘出現-- 甜品師向每枱客人奉上剛烘好的士多啤梨梳乎厘! 很好味同時肚子被KO~~後來看到燒乳鴿都無能為力. 離開時我拿著雪糕筒, 邊吃邊感覺像爆開-_-"
有一兩樣菜試了好普通, 整體都算中等級.
將來, 要想個好藉口再挑戰! ^^v

麵飽很多款, 美觀又美味!下方是香茅飽, 甜甜的又香軟

最上方的法國種生蠔細而肉薄

烏雞湯, 西式有南瓜湯

上方: 白酒煮花甲王, 大大隻但有沙..

手打菠菜麵, 清新

醃物都有很多選擇, 那匙紅白蘿蔔很有味

格餅美味, pancake更有準!綠色杯是青檸慕思脆脆, 連軟糖, all in my belly~~

這杯就是"收工的理由"

新春大運遊 21-25/01!

今個農曆新年由年星期六年廿八開始, 起碼有5日假, 咁長時唔想留港, 由原計劃去潮州汕頭變為中山市1天, 佛山2天, 中山鄉下1天再回澳門.
星期六一早出發到中山市, 車票不緊張, 天頗冷, 到達後發現好多商舖已閉門過年. 到此市只為鄰鎮的晚間粥城, 去年初一晚只一間舖營業, 今次又係得一間, 不排隊等位了, 失望地回住宿附近食個火鍋加客飯, 還可以的...晚上去附近的年宵看看, 都是賣花, 氫氣球, 無咩好食. 見唔少人拾花農收檔折爛的年花, 我們一時興起也拾幾束菊花回酒店做擺設, 襯過年氣氛 :)
第二天坐車去佛山, 車程只不過1個多小時, 比平日短.
第一次來佛山市, 比中山市細, 酒店到其他商區可步行. 而說到食, 搜集資料呢度唔少美食, 我地試過粥底火鍋同山東菜都唔錯. 果度有個大商場東方廣場分幾個場, 其中東方美食城一整棟3層都係食肆, 日韓泰越西同中國各菜都有, 我覺得中國菜出色d, 還是香港煮理他國菜質素好. 晚餐約花百7人仔, 比以前消費高很多呢!!
其中去了2個景點---南風古灶和千燈湖, 坐公車不用半小時.
去古灶看古物, 但不多, 隔離開了個創意廣場賣豆花, coffee, 古玩, 還有個馬桶瀑布(嘩!).
千燈湖在公園內, 佛山人食完飯就黎散步, 踩單車(2人至4人踩1車都得), 看風景. 燈是人造的, 不同顏色打上樹, 幾浪漫 ^^
住了2天, 乘車回中山市, 途中車子出了點意外, 還好沒受傷, 擾攘半小時才轉車到總站. 之後即坐另一市區巴到鄉下, 差不多1小時, 坐到臀部痛...冒著冷雨撐到鄉下, 出現壞消息, 又回中山市再經拱北回澳.
天氣還是冷.
新年賀語我一向說"祝您身體健康!"

南風古灶入口

馬桶瀑布...有幾個呢???

千灯湖

呢個叫雪山包, 芋泥餡, 好好味呀!!!

菜心腸粉, 即點即包, 有趣!

0112我做左細姨媽~~

那天清早5點幾, 家姐接電話, 細妹入左醫院, bb女準備出世.
那天下班前6時多, 家姐來電, 細妹剛生左~可惜我正感冒, 無去屯醫探望.
12小時的陣痛, 很漫長啊~
後來陪妹出院, 第一次見b女, 膚色比我家姐的深, 她正在睡, 看不到眼晴長得怎麼樣.
摸過她的面, 真的好似雞蛋咁滑 ^^

P.S. 我是幾日前才知道, 細b女應稱呼我為"姨媽", 不是家姐仔女叫我"阿姨", 像老了很多!