今晚8點多等車回家, 上車企在出口附近, 就到深井附近開始塞車. 我無聊睇rdshow播了一次又一次時已聽有把聲講野, 後來阿伯喺我身邊經過. 佢越過人群去到司機位, 後來又返到出口位, 原本企出口既人都讓畀佢.
都估到咩事. 巴士咁大冷風, 阿伯同家人都坐左成粒鐘有多, 佢想去小便但司機唔開門(喺公路好危險架!!!). 最後, 佢拎個膠袋黎救佢...車上,包括我都無人出聲, 呢D係生理需要. 我一般都係出門去定先, 搭長途車前都去定.
萬一我車上急, 我會死忍囉, 試過旅行唔驚唔見架車或無正式方便地方, D人落車去洗手間我都唔落, 忍左12小時...果時真係求神拜佛忍得住乜都得咁.
1 comment:
雖則係生理需要, 亦要視乎對公眾影響幾大, 如果佢就咁o係車度用膠袋解決, 我都會好介意, 有味架嘛...人多擠迫, 唔知情望到咪死, 污辱別人眼睛喎!!
有客都試過就咁o係飛機個位, 用嘔吐袋解決!! 佢坐o個行得佢一個(還好佢坐最後一行), 本來念在生理需要乃人之常情都算, 但佢竟然將袋污物放o係個位前面seat pocket度lor!!!! 太過份!!
Post a Comment