OP halloween不恐怖

相比起數年前路朋友一起去的preview, 這次鬼屋量增加了, 周街人和鬼數目增加了, 排隊時間多了, 出汗量更多!! 可惜, 鬼屋的燈光音樂和嚇人鬼都不令人驚怕. 我們去了4間屋, 每間都差不多, 好多時隻鬼嚇前面的人被我地見晒樣, 我地掂行掂過...我有嗌, 但個心無驚得跳好厲害...
最辛苦係排隊入場, 有兩個鬼屋我地等左1.5小時!!!!很累又熱又焗又悶.
最驚嚇係在石欄旁等候時, 我坐坐下覺得膊頭有點痕, 用毛巾抹下, 跟住又痕, 再抹, 然後見到有隻蜈公喺我身爬到bf個袋!!~~~@@ 隻野有成2吋長架!!! 好彩無向爬入我口, 係打橫過個袋度啫.

i like puma, i am not puma

copy from apple daily 22 sep 09.

「媾仔郵輪」救熟女

"Cougar"，字面解作美洲獅，在英美，意指 35歲以上喜歡嫩男的熟女。美國一艘專為 cougar而設的「媾仔郵輪」將於 12月啟航。船上有社交經理安排配對活動，讓她們找到真愛。單身專業人士協會主席格羅斯指「 cougar活力充沛，難和同年齡男士約會」，郵輪是她們物色對象的最佳地點，主辦的 Singles Travel公司包下多個客艙，讓她們結識其他乘客。「媾仔郵輪」 12月 4日由加州聖迭戈出發前往墨西哥，三天返航，單人房 583美元（ 4,547港元）。美國《紐約每日新聞》

新聞英語解碼： Cougar

「那隻正在角落的「美洲獅」，似乎想跟蹤我呢！」（ There's a cougar in the corner that seems to be stalking me!）句中所說的「美洲獅」（ cougar）不是草原上的猛獸，而是指一些 30至 40多歲的「中女」，向年輕小伙子搭訕，想跟他們做愛。坊間更細緻說法，年過 40歲勾搭小伙子的中女叫「 cougar」， 30歲以上未過 40歲的叫「 puma」，兩字都解作美洲獅，分別是美國加州等地常叫 cougar，南部諸州多稱 puma。

goo go mon no poly~~迷上了

fb喺公司上唔到, 而且我都係放相喺果度多, 又聽聞玩fb games易中virus, 所以無玩任何games.
呢個大富翁3D網上版, 由9月9開始free給用戶玩4個月, 我到昨晚先開始玩, 然後今天試喺公司上唔上到monopoly, 上到就沉迷左陣, 食飯連新聞娛都係"立"下. 呢排無事幹嘛, 輕鬆下都好~~

我而家買左2條路, 財富會慢慢增加既!!!!!

澳門越南餐

上回漏左寫, 上星期五既私人晚餐去左間越南餐廳, 喺皇朝區, 該區食物價格比較貴, 而呢間一般MOP50+10%.
叫左炒通菜, 蝦庶(好大size喎!)豬肉檬同河內式豬肉檬. D檬應該係正式越南料, 唔係米粉, D魚露汁都好, 我係食唔晒一碟.

在澳工作一週 14-18/09

終於又返去, 跟澳門阿妹一齊教馬拉接手同事, 希望佢地做好啦.
但, 教就教左, 幾時正式做又未決定, 我做month-end果part都未教添...
P.S. 住富豪, 包早餐, 新裝修, 但D洗頭水護髮唔掂, 洗到頭髮旱晒

因為兩位同事唔熟其他人, 我呢個算係contact得多既人就肩負帶佢地食本地菜同睇華麗娛樂場既責任. 第一餐我澳門帶去食mop15既麵加飲品餐, 果晚打颱風, 食大排檔去超市買補給品; 有一食葡菜, 個忌廉馬介休薯蓉幾好味; 有一晚去威尼斯人, 搞到11點先回酒店.
好多謝爸爸請完飲茶又有buffet, 夾埋過千架~~我覺得做acct既人都唔差得去邊...所以我都放低錢請返飲野.

返完工梗係私人留澳時間啦. 雖然今次無兩年前同朋友喺旅遊塔近距離睇煙花, 但影到呢張相都唔錯 :)

starter--美味的生蠔

己經係1個多星期前既事..因為之後過左澳門返工一星期, 無時間update...

12/09先去官塘走走, 沒有收穫, 黃昏往元朗一間最好事先訂位既mix & match西餐廳. 餐廳在開飯有不錯食評.
點了set dinner同呢個生蠔starter, 賣相不錯, 味道都OK, 蠔質乾淨, 即開即食, 要彈應該係唔夠凍.
甜品係lemon cake, 唔太甜幾滑.
食到好飽呀~~~~

2009_09_09_09_09_09

我呢間公司真係好迷信. 老闆決定要改公司名, 擇日9月8晚上於星洲舉行酒會, 各地區IT同事standby等攞晚會既video, 然後昨天一早回去setup. 好, 新logo於2009年9月9日9時9分9秒揭幕~~
拍掌後, 回去meeting room觀看老闆前晚的演講, 之後便開餐!!!
主要是西式小點小包三文治, 我喜歡凍肉火腿, 可惜小點乾身點, 放太耐吧. 加一盒特濃朱古力, 就是公司給我的豐富早餐.
其間, 海外同事追魂call到手機, 要交9點半前做的figures. 噢! 我以為你們都要睇電視呢~~
究竟, 名字由M轉去E何解呢? 演講沒有提及, 有同事戲說變成EVIL(惡魔) ?!?!?!
是的話, 應該選6月6日6時 orz

p.s. 前一日開始食滯, 加上昨晚上去yoga, 一直沒有再取剩下的凍火腿. 今天lunch無時間, 之後聽到阿姐要棄掉食物, 好可惜啊...

澳門郊野公園有野睇

http://www.macautvl.com/sightseeing/06.html

天氣咁熱, 持續33度, 出街一陣都成身汗, 但在家又百無聊賴, 唯有上網發掘有咩好去處.
之後就搵到路環既公園, 澳門旅遊官網唯一介紹, 應該係全澳至大至齊全既公園.

時間關係, 行左公園一圈, 意想不到係有特別動物睇 --- 不同種猿猴, 駝鳥同梅花鹿! 駝鳥同鹿都好大隻, 鹿個頭可以遮住我添. 我掂到真正鹿角呀~~~
我唔知香港點, 起碼澳門free of charge !

七月十四後睇鬼片

挑選了"康州驅魔實錄", 開首至中段的確幾恐怖...
我地兩個睇一齊叫, 有人仲"起雞皮"添~~~~~~呵呵呵. 當係去公園halloween前既預習啦.

睇呢套片有D怪事發生:----
load隻DVD按play時, 螢幕會顯示"你按錯了!!!" !??!?!?!?!? (部機好人工智能呀~~~)
睇到尾段播音樂時, 突然聽到"多謝支持" !!?!?!?!??! (原來出面有選舉宣傳~~~)


睇緊果時搞D咁既野梗係驚, 之後就覺得好好笑 :)