30號要去飲, 以為29號或星期日食飯, 原來安排了23晚. 地點很近他家, 真是吃剩打包走明天食~~ 無帶相機, 舊電話影質素係咁...呢間里斯本很出名, 比葡韻美食更高檔, 菜式正宗, 環境氣氛好, 有露台雅座. 野食好味, 除非洲雞, 我覺得唔入味, 肉又唔滑. 葡式餐廳必奉送麵包牛油, 可以點olive oil同黑醋. 呢間有餐前橄欖, 幾好食.
薯蓉青菜湯 - 傳統葡式湯, 飲到薯蓉同幼菜絲, 真材實料
海鮮湯 - 不是龍蝦湯但蝦味香濃
前菜蒜蓉炒蜆 - 加點檸檬汁, 味道不是港式炒蜆. 我食到連炒既汁都飲埋! 真係想學下點整葡式菜汁 :P
焗豬肋骨 - 第一次見以菜心做配菜 @@, 都係有蒜蓉味, 幼薯條ok, 肋骨幾有肉, 可能切大件, 要焗耐D, 少少韌
非洲雞 - 如上文述, 無乜味, 以前食果D係辣辣地同係燒雞類黎. 不過, 配醋汁沙律同焗芝士薯片層就好味. 就係芝士薯油膩, 食剩一半打包
今年禮物係耳環, 有人記錯以為我無鑽石, 我有丁C咁大既跌剩一隻咁多, 呢對大D. 仲有一個"立體"相架, 我睇到D相覺得好funny, 未能曝光.
p.s. 最早同我慶祝既係公司, 22號果日搞每月bday party, 10月成5個人生日, 有3個蛋糕, 都係得10分1件食. 中午果時阿姐請我食遲來的welcome lunch, 揀左風月堂, 幾得, 尤其豆腐味雪糕 :d
No comments:
Post a Comment