都是貪靚惹的罰

早於6月尾, 我joined美容個燒疣plan, 成$6800架, 可以一年內燒面頸上半身既疣, 效果都幾好. 我左邊面額位係一塊深色既疣, 近年變大左, 加上早前有新聞話阿伯眼皮既疣急速變大惡化係腫瘤, 我驚, 終於join美容院呢個sell左我2年既plan. 那深色疣同其他方既都一一燒走, 有d會留低小小brown印, 經年就會退.
唔燒唔知, 我成身好多疣 @@ 唔係全部燒完會無, 睇身體抵抗力, 所以有d地方都燒左幾次.
我左眼下眼瞼都有, 知道好耐, 又驚會發大. 而家試過美容阿姐手勢幾好就問下咁近眼有無問題, 驚灼傷眼球...上星期佢幫我整眼皮果d要貼膠紙, 一路燒一路驚, 仲有d標淚.
今日過去就諗住燒身上果d同問清楚佢點搞眼瞼先安全燒. 就係諗緊去到搞唔搞眼瞼位而無留意交警捉人!!
畀人罰一罰, 又年尾轉工轉樣, 又就黎去旅行, 死就死啦~~~eeee, 無咁痛喎. 果度係有條結痂, 我會日日搽蜂皇醬快d甩. 不過, 佢應該就住我, d疣係未燒晒, 即係遲d又要搞過 -_-"

被票控亂過馬路T_T

真失魂...對面馬路有幾個警察, 我都照樣在紅燈無車情況過馬路, 就咁...被票控! 遲D收罰款通知...
我會唔會就此以後紅燈必停?o?
事發喺屯門蔡意橋站往卓爾居既馬路. 我果時諗緊野, 係見到對面有交警同"咖啡妹", 都閃過一刻做咩無車D人都企喺度, 但我已經過左.
個咖啡妹叫停我, 問我有無睇燈, 我話無, 叫我攞身份證...當時我仲以為係口頭警告.到佢問我地址, 我就問佢咩事, 佢話寄傳票, 我吓左, 咩呀??!?!?!? 佢就官腔話我亂過馬路要票控, 我咪問唔係有口頭警告咩, 又無路牌指示無亂過馬路, 佢舉例話咩無偷竊警告牌都有人偷, 偷左就係有罪, 我話佢唔應該攞嚴重罪同過馬路混為一談...擾攘一輪, 佢叫個交警黎又係講埋D官腔. 我又話個咖啡妹做野唔合程序, 叫停我無講票控就攞身份證同地址, 到我問先講.
最後我寫左地址, 無畀電話就走. 心諗若果之後返果條路仲見到佢地, 我就要問返個咖啡妹編號同姓名, 投訴執法程序. 不過, 1小時後佢地收左隊.
之後我聽到有途人師奶話有人咩被人罰咪罰, 畀左資料就好走, 理論咁多做乜. 我就唔想佢呢種心態, 罰左畀左錢你係咪會以後一世守規則? D宣傳都唔足夠, 同埋我同佢地理論時都係想問清楚程序, 但D警察們可能做得多, 交行貨. 唉~~
之後買支軟雪糕下度氣.

公司xmas party@Dec17

我上一手做開committee, 咁我就要接手xmas party. 經過3個月開會又開會, 改完又改, 去到當晚都仲要綵排, 仲係亂, 那個Leader我真唔like佢!!!
公司職員分6組爭奪民族表現奬 (日本, 泰國, 荷蘭, 越南, 印尼同北極!o!), committee選了日本, 同事在"桃寶寶"訂了日式浴衣連腰帶髮飾絲巾, $123.5 OK啦. 另要每位帶$100或以上既禮物, 我買了公平貿易既朱古力同green tea. 台上有同事問邊個買既, 我唔出聲, 哈哈.
當晚以為我組穩奪獎助能瓜分$2000啦, 點知印尼果隊抄"宣傳3"既"得X女傭", 仲講口號叫出年加人工. 全場投票時, 印尼取高票, 我組尾2慘敗!!原因是其他組不想做包尾要受大懲罰而集中投印尼. 玩遊戲啫, 都計咁多...
是晚我揀到潤手霜3支, 大抽獎人人有份, 我抽到第10係咩"portable audio system made for ipod/iphone" @@ 要放出去先!
party喺佐敦三軍會搞, 食物都唔差, 有生蠔, 我食左半打~~呵呵

p.s. 今次我係唔投入表現. 我無跟同事束起頭髮, 無戴隱形眼鏡, 無著短袖打底, 無為套浴衣配鞋, 出黎效果自然無同事打扮得咁好, 似著睡衣多d...
原本, 我係買左上圖右相右邊深紫底粉色花圖案既, 但見同事一見衫即攞去著, 出黎比我想像中成熟, 所以都唔介意同佢換紅花圖案.

公司贈品2

今次有沙灘波, Folder, 直升機型文具套裝, 飯盒餐具, 打氣棒棒 (xmas party用剩的), 而我最喜歡係明年情人節人買鞋贈品---紅心形couhsion! 可惜不能拿多個...

我部腦終於好返!

煩左成個月, 部NOTEBOOK叉唔到電, 一時得一時唔得, 最後開唔著.
有時間拎去專門維修店, 但服務強差人意, 拎去CHECK要先付$380, 而家回頭看, 上去維修都無人拎NOTEBOOK去整....
之後去家附近商場, 有唔少電腦維修, 揀左個老闆個樣比較誠實, 拎第一次無事發生, 回家再試又唔得, 第二日又抬機去, 身水身汗...
幾日後CALL我搞掂, 咩電感, IC問題, 換左IC兩粒, 盛惠$850, 係有點肉痛, 總好過買過部.
NOTEBOOK呀NOTEBOOK, 你要畀我用多3-5年先回本~~

2人BB蕉

美其名去行山, 實質想燒烤!
上網看屯門的龍鼓灘可以看日落, BBQ場又唔差, 而且只一程巴士就到, 就決定了.
無時間搵路線資料, 到巴士總站發現不到行山徑, 隨便走一趟"皇帝岩", 半小時不到便上到目的地, 可眺望龍鼓灣和海景, 不差的.
回巴士站, 往另一邊走, 有什麼"白海豚眺望台", 不用上去都可以望海啦.
還是找找那BBQ場, 原來在尾二站. 環境不錯, 乾淨, 有兩部大電視, 但不喜爐與爐距離近, 隔離人講乜都聽到..
食物方面, 肉類幾多, 雞翼都有咖喱, 黑椒, 燒汁, 蒜蓉, 全翼, 中翼...
配方包的不是牛油, 是蒜蓉牛油呢, 幾好味, 又有魷魚吊片燒, 蕃薯不包錫紙, 於落爐底叫"真正煨蕃薯"喎~~
可能我地火勢不大, 燒,得比較慢, 有時不熟, 但我地算坐到尾, 由6點半到近11點, 任食BBQ送1樽水1罐飲品就可以消磨咁長時間, 抵啦!

突破時間

11月中開始忙到...?
我衰多手, 叫同事追出左PO好耐但未收既SUPPLIER單. 偏偏之後個星期要出去做3 SHOPS既STOCKTAKE, 返黎一大堆過100張單要做...
結果搵同事幫手入D, 又要做REVIEW REPORT, 又有咩XMAS PARTY PREPARATION, 跟住埋數. 未過PROBATION問一問阿姐係咪年尾特別多野, 佢話月尾先多, 我都唔想話上一手唔CHECK野, 總之自己受啦. 佢話畀D野同事做, 我主力MKTG. 但我想真係無時間先交畀同事, 始終REVIEW時都要睇返入過乜數. 果時有幾日覺得自己唔?份咁 -_-"
呢段時間, 我晚晚OT, 之前9點半, 去到10點, 11點閂門, 仲唔坐的士依然行去灣行等巴士, 捱到同事話我個樣殘呀, 緊張呀.
因為趕搞RENEW PASSPORT, 開完會即去灣仔排隊, 果個星期一個麵包食4日, 當早午晚餐...
我唔會再畀呢D事發生既!!! NOTEBOOK整好, PASSPORT 12月中?得, 10月REVIEW 大老闆不在場, 15分鐘PRESENT完, 11月埋數完~~
黎緊12月早SHUT DOWN, 我一定要安排好!